24 Aug, 2005 -
Burco - Dr.Cabdi aw Daahir, oo kamida Masuuliyiinta sare ee Xisbiga KULMIYE, ayaa maanta shir jaraaid oo ku qabtay, burco si kulul ugu eedeeyay xukuumada inay abuurayso xaalada nabadgelyo daro , oo ay ku baajiso Doorashada baarlamanka ee dhowaan la qabandoono ,waxaanu ku tilmaamay in nabadgelyo daradaa ka wado dawladu degaanka Odweyne.Hadaba waxa uu ku bilaabay hadalkiisii Dr.Cabdi Aw daahir....
Waxaan aad uga xumahay in dawladu wado xaalado dalka ku keenaya ,nabadgelyo daro iyadoo weli la gaadhin wakhtigii doorashooyinka,waxaan hore u sheegay in Gobolkan Togdheer Sadexda Xisbi ay ugu awood badan yihin labada Xisbi ee mucaaridku , taasina ay keentay in dawladu abuurto khal khal nabadgelyo ,waxa uu intaas ku daray ,in sababta ku keliftay abuurida nabadgelyo daridu ay tahay marka ,xisbi meel lagaga awood bato ,uu isticmaali waayo caqli ee uu cunfi isticmaalo.Isagoo oo arintaas sii faahfaahinaya waxa uu yidhi “ Anagoo Xisbiga Kulmiye ah ayaanu tagnay Odweyne , Caano iyo Caleemo qoyan ayaa nalagu soo dhaweeyay , waa dimuqraadiyad ,rag muhiima oo reer Odweyne ah ayaa ka sharaxan Xisbiga , awoodweyn baanu ku leenahay , taasi waxay dhalisay inxukuumadu u soo dirto Odweyne Wasiiro wata ciidan iyo tikniko, waxay inay u soo dirto, X oghayaha xisbigooda ,oo wata calamo iyo mikirifoono.”Laakiin maaha in ciidan iyo hub la keeno oo la shaqayo iska horkeenka bulshada , Dr.Cabdi oo sii tilmaamaya waxa uu yidhi “Madaxwenahaa maalin dhoweyd odayaal reer Odweyne ah oo la kulamay ku yidho , ciidan iyo tikniko ayaan u diray Odweyne ,uu iga soo dalbaday ,Siciid Sulub.”sidaas darteed Udub iyo Xukuumada waxaau uga digaynaa inay ka foojignaataan inaad dalka xaalada nabadgelyo daro ka abuurtaan.
Dr. Cabdi ,waxa kale oo ka hadlay inay dawladu wado hawlo ay ku faro galinayso maamuladii degmooyinka , kuwaasoo ay ka mid yihiin , hada Odweyne waxay ka wadaan inay bedelaan maamulkii, duruqsi ,waxay bedeleen ,maayirkii iyo xoghayihii ,iyagoo ,u sibir saaraya waxay isku reer yihiin rag ka sharaxn Xisbiyada Mucaaridka,taasna waan ka soo horjeedna ,waa ficil xun oo bilow ,waa wax laga xishoodo.waxa taas ka daran marka qofkii xisbiyada Mucaaridka sacabka u tuma ,ee shaqaale ahba tidhaahdo ha la bedelo, kuwa iyaga ,ilaa wasiir ada iyo shaqaalaheeda keleba , ma arkayso ,lamana eryayo.waxaana la socod siinayna Komishanka Inay arimahaas o dhan la socoto.
“Madaxweyne waanu kaa helaynaa Doorashada ,hadii eebbe nala qabto , waxaana ku gabay raga kula shaqeeya , waana ayaandaro in markaad ku guuldaraysatay kasbashadii shacbiga inaad ku meeraalaysato xaalad abuur ,meelo hoose oo aad halmaansan tahay in xoog wax lagu hantiyo .” Ayuu yidhi Dr.Cabdi daahir ,oo si gaara u la hadlaya Madaxweyne Rayaale.waxa kale oo intaas ku daray in Xisbiga Kulmiye , ay markasta ka goantahay ilaalinta Nabada , taageerayaashadana aanu markasta ku baraarujinayno adkaynta nabada iyo xasiloonida. Waxa uu Dr ,Cabdi ,u jeediyay Komishanka , Madaxweynha ,Xisbiyada ,iyo Bulshadaba oo aan maanta warbaahinta u marinayaa , in dhamaan laga wada shaqeeyo ,Nabada iyo Deganaashaha mudada yar ee ka hadhay Doorashada, ugu dambayntiina ,Waxa uu ugu baqay Wasiir Siciid Sulub , Inuu Ciidanaka iyo Tiknikadaba kala baxo Odweyne , farahana ka qaado xaaladan iska horkeenka bulshada Odweyne ,oo Ogaado ianay Nabadu macaantahay.
No comments:
Post a Comment