Mr fagadhe, Dr. Cabdi Aw daahir iyo ina dhoolayare oo ah wefdigii u horeeyay somaliland oo boqday koonfur afrika

Waa Sawir aan kaqaadey waftiyadii ugu horeeyey oo kasocda Somaliland oo yimaada K/Africa, waftigan oo uuhogaaminayey waziirkii arimaha dibada ee Somaliland sanadkii 2000 Mudane Fagadhe, iyo waziirkii isgaadhsiinta oo hadana weli siihaya jagadaasi Mudane dhoolayare iyo waziirkii caafimaadka Mudane Dr. Abdi awdaahir oo shir jaraa’id uguqabtey Jaaliyada R.Somaliland iyo Soomaali kale xafiiska guri martisharafka Somaliland kuleedahey K/Africa oo kuyaala Pretoria. Taariikhda aan sawirkan qaadey waa 2000kii.


Xidhiidhka udhaxeeya K/Africa & Somaliland waa mid aad u adag oo u ifaaya iyaga oo K/Africa & SL ey markaste isdhaafsadaan wufuud isdabajoog ah taasi oo dhidibada u aaseysa xiriirka dibloomaasiyadeed, dhaqaaleed, bulsheed ee udhaxeeya labadawadan ee iskuwaayo aragnimada ah,. Halkaas oo weftigii uguhoreeyey ee Somaliland kasocdey ey soogaadheen K/Africa sanadkii 2000 waftigaas oo uuhogaaminayey waziirkii arimaha dibada ee waqtigaas oo ahaa Mudane Mahamuud Fagadhe & isla waziirkan isgaadhsiinta ee hada, & waziirkii Caafimaadka Mudane Dr. Abdi Awdaahir, waxaa iyana xusid mudan waftigii uu hogaaminayey madaxweynihii hore ee Somaliland Md. Mohamed H. Ibraahim Egal “Eebe ha u naxariistee”, oo uyimid K/Africa in uu caafimaadkiisa hubiyo halkaas oo kugeeriyoodey, Madaxweyne Egal oo sabab u ahaa xiriirkan ifaya ee u dhaxeeya Somaliland Iyo South Africa. Dhinaca K/Africa waxaa booqdey Somaliland sanadadii inadhaafey siyaasiin, tujaar, culumada diinta, oo kasocda K/Africa ayaa booqdey Somaliland iyaga oo aad u daneynayey waa maalqabayaasha sida Tokyo Sexwale oo sanadkii hore booqdey Somaliland, in ey maalgashadaan Somaliland oo aad u xasiloon nidaam iyo dowlad iyo cadaalad na ey kajirto.

u codee udub waa wadada oodweyne ha dhisin

Dalku Isbedel ayuu u baahanyahay
Waxaynu maanta kala dooraneynaa horumar iyo shan sanadoo oo dambe oo rafaad ah. Waxaynu kala dooraneynaa in aynu kharajka yar ee dalka soo gala aynu daaro dabaqada ah kaga dhisno Paris , shaariqa, iyo afrikada bari oo aynu udub doorano. iyo in aynu ku dhisno gobolada cusub ee oodweyne, gabiley , badhan, baligubadle, caynabo iyo saylac oo aynu kulmiye doorano. Doorashada iyo codkaag u ma sahlana, ee ogaw. In aynu wadada odweyne dhisno waxay ku xidhantahay codkaaga.Waxaa xaqiiqa ah hadaad codkaaga siiso UDUB, waxaa lagaa qaada iyo waxa ummadaha kale ku siiyaanba waxay sii kordhinayaan dabaqyo laga sii dhiso yurub .
Tahriib, shaqo la.aan, ciidamu bilaa darajo ah, lacagta giimbaarta ah ee burco, daryeel la,aan caafimaad iyo waxbarasho. Musumaasaq, cadaalad daro, ganacsi koota, run aan la sheegeyn, wado ciid la dhigaayo , iyo warshad sibidh oo dhagax la dhigaayo waa udub dooro. Intaas oo aynu wax ka qabano wax ka beddelo waa kulmiye dooro. Labadaa wado way kala cadyihiin. Codkagaa oo aad meel khaldan mariso aad mar kale udub doorataa waa naftada oo aad khiyaameysay ama waa garashola,aan.

sahra axmed iyo heeso cusub

ardayda jaamacada ee beesha habaryooniis oo ku biiray xisbiga kulmiye xaflad lagu qabtay huteelka kaah ee bariga hargeysa

Hargeysa(saraarnews) Xisbiga mucaaridka ah ee KULMIYE ayaa galabta xaflad aad u balaadhan oo ay ku qabteen Huteelka KAAH ee Barriga Hargeysa waxay ku soo dhaweeyeen isbedel doonka aqoonyahanada, siyaasayiinta, ardayda jaamacadaha iyo culimo awdiinka Beesha Habar Yoonis oo ku biirtay xisbigaasi.

Xafladan waxa kale oo ka soo qeyb galay Guddoomiyaha KULMIYE, Guddoomiye Ku Xigeenkiisa Koowaad, labada sarkaal ee xisbiga KULMIYE u qaabilsan olalaha doorashada iyo in ku dhow kun qof oo ka tirsan beesha Habaryoonis kuwaasi oo sheegay inay ku biireen xisbigaasi waxaanay xukuumada ku eedeeyeen inay ku fashilantay inay wax ka qabato adeegyada bulshada ee Gobolka Oodweyne iyo guud ahaan deegaanada ay beeshaasi degan tahay, oo ay xukuumada ku eedeeyeen inay ka baxday balan qaadkii ay u samaysay doorashadii madaxtooyada ee hore.

Maxamed Xasan Dirir iyo Mustafe Ibraahim, oo ka mid ahaa dhalinyaradii ku hadlayay magaca ardayda Jaamacadaha dalka ee ku biiray xisbiga KULMIYE ayaa sheegay in wadanku uu u baahan yahay isbedel siyaasiya waxaanay xukuumada ku eedeeyeen inay ku fashilantay oo ay ka baxday balanqaadyadii hore ee ay samaysay xiligii la galayay doorashadii hore. Waxaanay tusaale u soo qaateen lacagta Giimbaarta ah oo aanay ka bedelin gobolada bari iyo Biriijkii labaad ee Hargeysa oo sanado badan dunsan ummaddana dhibaato badan ku haya.

Dhalinyaradaasi waxay sheegeen in Xubno ka tirsan Golaha Wasiirada ee beeshooda kaga jira Xukuumaddu ay isku dayeen inay dhalinyaradaasi si dhalanteed ah u sasabtaan isla markaana ay u qaadaan balamo kale oo ay xuseen inaan la fulinaynin.

Guddoomiyaha Olalaha doorashada ee gobolada barriga Somaliland Dr. Maxamed Cabdi Gaboose oo ka hadlay xafladaasi ayaa si weyn u soo dhaweeyay taageereyaashaasi ku soo biiray oo uu tilmaamay inay u baahnaayeen.

Dr. Gaboose wuxuu sheegay in Wasiiro ka tirsan xukuumadu ay Madaxweyne Rayaale been u sheegi jireen kuna odhan jireen dhab libaax ayaad ku fadhidaa taasi oo uu tilmaamay inay beenowday.

Guddoomiyaha olalaha doorashada xisbiga KULMIYE ee gobolada barriga Somaliland wuxuu sheegay in xukuumadu taayiro iyo dhagaxaan ay wadooyinka u dhigto Guddoomiyaha KULMIYE halkii looga fadhiyay inay ummadda wax u qabato.

Dr. Cabdi Aw- Daahir, oo xafladaasi ka hadlay ayaa sheegay inuu ku faraxsan yahay taageereyaasha aadka u faro badan ee ku soo biiray KULMIYE oo uu xusay inuu muddo badan isagu beeshiisa kaga jiray maantana lala arkay wixii uu Xukuumada iyo UDUB kaga biyo diiday.

Guddoomiyaha Xisbiga KULMIYE Md. Axmed Maxamed Maxamuud (Siilaanyo) oo xafladaasi ka hadlay ayaa sheegay inuu soo dhawaynayo taagereyaashan ku soo biiray oo isugu jiray Aqoonyahano, waxgarad iyo arday Jaamacadeed, waxaanu si weyn ugu mahad celiyay mulkiilaha Huteelkaasi oo uu sheegay inuu gaashaanka ku dhuftay dalabkii xukuumadu ku doonaysay inay ka hor istaagto xisbigiisa xafladan.

Guddoomiyuhu wuxuu u balan qaaday dhalinyarada in Barnaamijkiisa siyaasadeed ay ugu jirto sidii wax badan oo ugu qaban lahaa isla markaana uu ka horqaadi lahaa caqabadaha dhinaca sharciga ee ka hortaagan inay ka qeyb galaan Goleyaasha hoggaaminta.

Md. Axmed Siilaanyo wuxuu xafladaasi kaga dhawaaqay haddii uu ku guulaysto doorashada Madaxtooyada inuu furi doono ururada siyaasada si tallada dalka cid waliba uga qeyb qaadato.

Guddoomiyaha KULMIYE wuxuu Taliyaha Booliska uga digay inaan loo adeegsan burburinta iyo xadgudubyada loo geysanayo Xisbiyada mucaaridka ah.

Dhinaca kale, waxa abaaro 3:30 galabnimo la xidhay wadooyinka u dhow Hudheelkii Xafladan lagu qabanayay ee KAAH oo ku yaala bariga Magaalada waxaana halkaasi la dhigay Dhagaxaan faro badan oo ay masuuliyiintii KULMIYE gacantooda kaga gureen. Iyadoo Huteelka Hortiisana ay gaaf wareegayeen Ciidamada Booliska.

Mulkiilaha Huteelkaasi oo gaashaanka ku dhuftay amar Boolisku ku siiyeen inaan lagu qaban shirar siyaasadeed, waxaanu sheegay inuu xor u yahay ganacsigiisa isla markaana xisbigii u yimaadaba uu ka kirayn doono.

Alshabaab iyo Maraykanka

Hillary Clinton oo sheegtay in Kooxda Alshabaab ay halis ku tahay ammaanka Mareykanka iyo dadka Soomaalida intaba .

Coventry City(Golisnews.com-Xoghayaha Arrimaha dibadda Mareykanka Haweeneyda lagu magacaabo Hillary Clinton ayaa waxa ay ku sheegtay Xarakada Alshabaab ee Soomaaliya mid dhibaato ammaan ku ah jiritaankeeda dalka Mareykanka , maadaama uu xiriir kala dhaxeeyo Ururka Alqaacida .


Hillary waxa ay kaloo sheegtay in Alshabaab ay halis ku tahay muwaadiniinta Soomaaliyeed oo lagula dhaqaaqo howlo rabshado leh iyo kutumasho xuquuqdooda ,iyadoo la gooynayo qaar ka mid ah Xubnaha jirkooda , taasina ma ahan ayey tiri wax la aqbali karo.



Xoghayaha Arrimaha dibadda Mareykanka Haweeneyda lagu magacaabo Hillary Clinton oo weriyeyaasha kula hadleysay Magaalada Washington gelinkiii dambe ee shalay ayaa waxa ay tilmaantay laga maarmaanshaha in la taageero Xukuumadda KMG ah ee hadda ka jirta dalka Soomaaliya si loo xaqiijiyo ammaan , loona soo celiyo deganaanshihii Soomaaliya oo ay ka qeyb qaadanayaan beesha caalamka iyo Midowga Africa .



Dowladda Mareykanka ayaa iyadu raadineysa waddo ay kaga taqalusto Xarakadda Alshabaab sida ay sheegayaan ilo wareedyo laga helay Sirdoonka dibadda ee wadankaasi.Hillary Clinton hadalkan markii ay ku dhawaaqeysay ayaa waxaa garab fadhiyay Xoghayaha Gaashaandhigga Mareykanka Robert Gates.



Ilaa iyo hadda ma cadda qorshaha Mareykanka uu la damacsan yahay Soomaaliya , iyadoo lagu wado in cishooyinka soo aadan uu Magaalada Washington uu u safro Madaxweynaha KMG ah ee Soomaaliya Shariif Sheekh Axmed iyo wafdi uu hogaaminayo , halkaasoo lagu wado in kulan uu kula yeesho saraakiisha ammaanka wadankaasi.





Golisnews Suleiman Saeed Kabadhe

Danta Udub iyo ta cusbitaalka Hargeysa waa kee

Hargasya(Ramaas) Mar.25, 2010 - Guddidii Cisbitaalka Guud ee Hargaysa ee todobaadkan madaxwaynuhu kala diray kadib markii uu ku eedeeyay in ay sidii sharcigu ahaa xilkoodii u gudan waayeen oo ay xidhiidhkii ka goosteen wasaaradda caafimaadka iyo shaqada oo xukuumadda uga wakiil ah siyaasadda caafimaadka, ayaa ka hadlay waxqabadkoodii iyo xadgudubyo ay ku eedeeyeen in uu guddida ka galay wasiirkii hore ee Caafimaadka Mudane Cabdi Haybe Maxamed.

Guddoomiyaha guddida madaxa banaan ee cisbitaalka guud ee Hargasya Mudane Maxamed Xuseen Caabi iyo Suldaan Xasan Warsame Shire (Barre) ayaa shir jaraa'id oo ay ku qabteen xaruntooda magaalada Hargaysa waxay ku sheegeen in ay xilka banaynayaan, hase yeeshee muddadii ay shaqaynayeen oo ahayd muddo toban sannadood ah ay horumar iyo is bedel ku sameeyeen maamulka iyo muuqaalka Cisbitaalka guud ee Hargaysa, wax wayna ay ka badeleen adeegii uu bulshada u hayay.

Guddidani waxay sheegeen in ay dayac tir iyo dib u dhis ballaadhan ku sabeeyeen waadhadhka cisbitaaka guud ee Hargaysa, isla markaana ay ku soo kordhiyeen lix waadh oo cusub oo bukaan jiif ah, qaybta caruurta, qaybta umulaha, qabta dhimirka iyo labaatan qol oo ah kuwa gaarka ah, Istoodh wayn iyo qolka shirarka iyo tababarada.

Guddidu waxay sheegeen in ay si dhamaystiran u qalabeeyeen shan waadh oo kuwa qalliinka ah oo uu ugu deeqay dalka Kuwayd, Mishiin wayn oo ah nooca Oxgen-ka dhaliya, oo isagana uu cisbitaalka ugu deeqay dalka Kuwayd.

Guddidaasi waxa kale oo ay sheegeen in ay Cisbitaalka ku soo kordhiyeen shan gaadhi oo saddex kamidi yihiin Ambalaas, isla markaana ay dawooyin jaban keeneen si cisbitaalku dhaqaale uga helo, waxaanay intaa ku dareen in ay kabeen gunnooyinka shaqaalaha Cisbitaalka, isla markaana tababaro dalka gudihiisa iyo dibadiisaba isugu jiray u direen qaar kamida shaqaalaha isbitaalka.

Guddidu waxay gaashaanka ku dhufteen oo ay iska leexiyeen eedihii Madaxwaynuhu u soo jeediyay ee la xidhiidhay in ay xilkoodii u gudan waayeen sidii sharciga ahayd, waxaanay sheegeen in wasiirkii hore ee Caafimaadku uu guddida iyo cisbitaalkaba ka galay xadgudubyo badan oo ay ka mid ahaayeen bedelkii agaasimihii hore, gaadiidka Cisbitaalka oo uu lambaradii ka bedelay, Dhakhaatiirtii Cisbitaaka oo uu dhex galay qaarna eryay, nidaamkii dawada cisbitaalka oo uu bedelay iyo raashinkii bukaan jiifka ee WFP oo ay ku eedeeyeen in uu dhiniciisa ka istaagay.

Guddidu waxay sheegeen in ay xilkii baneeyeen, isla markaana wixii ay hanti lacageed ay u hayaan Cisbitaalka ay ku wareejin doonaan Hanti dhawraha guud, waxaanay ku dardaarmeen in loo baahan yahay in la ilaaliyo oo aan la xagal daacin nidaamka cisbitaaka u dejisan ee la xidhiidha dhinaca maamulka iyo horumarinta.




Ramaasnews Desk
Hargaysa

ciidanka booliska oo burcu ku qabtay gabadh garoowe laga soo afduubay

Booliska Togdheer oo Gacanta ku Dhigay Gabadh Yar oo Laga soo Xaday Garoowe
Tuesday, 23 March 2010
Gabadh 13 jir ah oo kooxdii xaday kaga badbaaday xannuun dhinaca beerka ah oo laga helay









Burco (Togdhnews)- Ciidanka booliska magaalada Burco ee xarunta Gobolka Togdheer, ayaa shalay gacanta ku dhigay gabadh yar oo la sheegtay in muddo laba bilood ka hor laga soo xaday magaaladda Garoowe ee maamul-goboleedka Puntland, taasi oo laga soo celiyey dhinaca dalka Itoobiya, kadib markii kooxdii loo geeyey oo baadhitaan caafimaad mariyey ay ka heleen xanuun dhinaca beerka ah.

Sida uu galinkii dambe ee shalay Jamhuuriya u xaqiijiyey madaxa baadhista saldhiga dhexe ee magaaladda Burco Cismaan Warsame Diiriye, waxa boolisku guri ku yaal magaalada Burco ku qabteen inanta yar ee la soo xaday oo la yidhaahdo Nimco Maxamed Xuseen, da’deeduna tahay 13 jir iyo gabadhii haysatay, kuwaasi oo hadda lagu hayo saldhiga dhexe ee Burco.

Madaxa baadhista saldhiga dhexe ee magaalada Burco oo sharaxaad ka bixiyey qaabka boolisku u qabteen inanta la soo xaday iyo haweenayda haysatay, ayaa tilmaamay in dadka xaafadda lagu hayay u soo gudbiyeen booliska, sidaana ay ku qabteen inantan yar iyo gabadhii haysayba.

Sarkaalkan booliska ahi waxa uu intaas ku daray in gaadha yari sheegtay in laga soo xaday Garoowe, isla markaana muddo bil ah ah lagu hayey dhinaca dalka Itoobiya, isaga oo xusay in gabadha yar ay shaybaadh caafimaad mariyeen kooxdii haysatay, kadibna ay ka heleen beer xannuun, sidaana ay isaga soo celiyeen, lana keenay dhinaca magaalada Hargeysa oo looga soo gudbiyey Burco.

Waxa kale oo Sarkaalkani, tilmaamay in gabadhii haysay inantan yar ee boolisku soo qabtay ay sheegtay in saddex dumar ah oo niqaam xidhani ay uga soo dhiibeen magaalada Hargaysa , kuna yidhaaheen Burco gee, isaga oo hadalkiisa ku soo koobay in laanta baadhista dambiya ee booliska Burco kiiskan gacanta ku hayaan, isla markaana baadhitaankiisu socdo.

Haweenayda haysatay inanta yar ee boolisku qabtay, ayaa iyaduna Jamhuuriya u sheegtay in Nimco yar ay Hargaysa uga soo dhiibeen saddex dumar oo niqaaman oo aanay wax aqoon ah u lahayn, balse ay ka codsadeen inay ilaa Burco sii kaxeeyo, kadibna ay gayso biriishka weyn ee Burco agtiisa, sidaana gabadha yari ku garana doonto gurigooda.

Balse, markii ay halkii loo tilmaamay gaysay ay inanta ayri u sheegtay in aanay magaalada kala garanayn, sidaana ay ku haysay.

Sidoo kale Nimco Maxamed Xuseen ayaa Jamhuuriya u xaqiijisay in magaalada Garoowe oo ay walaasheed kula noolayd laga soo ka xaystay muddo hada laga joogo laba bilood, kadib markii gabadh niqaam xidhan oo wejiga xidhatay inta ay sanka wax u saartay soo kaxaysatay.

“Walaashay ayaan kula noolaa magaalada Garoowe, kadibna maalin ayaa waxa ii timi gabadh niqaam xidhan oo aanan garanayn oo inta ay sanka wax ii saartay ayay I kaxaysatay, waxayna I gaysay dalka Itoobiya oo aan ilaa hadda garanayn meesha aan ka joogay, waxaana la iigeeyey carruur badan oo koox dumar ahi hayeen.

Carruurtii meeshay joogtay ayaa maalin shaybaadh caafimaad la wada mariyey, aniga markii la I baadhayna waxa la iga helay beer xannuun, waxayna kooxdii na baadhaysay yidhaahdeen tani way xannuun sanaysaaye inaga celiya, sidaa ayaana la iigu soo celiyey Hargeysa oo markii dambena Burco la ii keenay, aniga aabay waxa uu joogi jiray Xamar, hooyaydayna way dhimatay, waxaanan la joogay walaashay oo aan hadda xaafadeedii karanayo, hadii Garoowe la I geeyo,” ayey tidhi; Nimco Maxamed Xuseen oo ah inanta yar ee laga soo xaday magaalada Garoowe.

Geesta kale waxa Maxkamadda Degmadda Burco hadda ka socdda kiis u dhexeeyalaba qoys oo kasoo kale jeeda Maamul-goboleedkka Punthland iyo Itoobiya, kuwaasoo isku haysta Ilmo Shan jir oo qoyska reer Boosaaso ku doodeen in laga soo xaday Ilamaha balse qoyska Reer Itboobiya oo Oromo ahina ku doodeeninay iyagu dhaleen.

Guddoomiyaha Maxkamadda Degmadda Burco, ayaa isaguna hay’adda caafimaadka adduunka ee WHO ka dalbaday inay gacan ka gaystaan sidii Ilmaha looga qaadi lahaa hidasidaha loo yaqaan DNA, si loogu kala saaro labadan qoys.

Tallaabadan lagu xadayo carruurta yaryar amma ay laba qoys isku qabsanayaan ayaa u muuqata kuwo haantan ku soo badanayaa Gobolka Togdheer, mana aha markii koowaad ee kiiskani oo kale ayuu boolisku qabtaan oo ay gacanta ku hayaan.

TogdheerNews..Burco



..

Xisbiyada iyo Burco

Maxaa ka soo if-baxay Loolankii Xisbiyadu ku Muujinayeen Cududa Taageerayaashooda Gobolka Togdheer?



Warbixin..Kayse A.Digaale Burco (syl)- Todobaadyadii u dambeeyey, waxa magaalada Burco ee xarunta Gobolka Togdheet, laga dheehanayey loolanka siyaasadeed ee saddexda xisbi qaran ka wadaan, kuwaa soo mid kasta dhiniciiga ugu muujinayo cududda taageerayaashiisa uu isku halaynayo doorashadda madaxtooyada.

Wafti ballaadhan oo uu horkacayey guddoomiyaha xisbiga mucaaridka ah ee UCID Eng. Faysal Cali-waraabe oo uu weheliyo guddoomiyaha golaha wakiillada Md. Cabdiraxmaan Maxamed Cabdillaahi (Cirro), ayaa iyagu kala kulmay Burco soo dhaweyntii ugu balladhnayd ee lagu soo dhaweeyo, iyada oo ay u muuqatay in xisbigu taageerayaal badan oo aanu filayn uga soo xeroodeen Togdheer.

Hadaladii uu guddoomiyaha UCID u jeediyey taageerayaashiisa soodhaweeyey, ayaa si weyn dadka u soo jiidatay, kadib markii uu farta ku fiiqay sida xukuumadda Riyaale ula dagaalamayso horumarka gobolka, taasoo uu tusaale u soo qaatay ganacsadaha Carbeed ee mashruuca naaxinta ka waday Burco ee uu madaxweynuhu xabsiga dhigay,kaasoo la sheegay inuu muddo 40 maalmood gaadhaysa xidhan yahay.

Eng. Faysal Cali-waraabe, ayaa farxaddii uu ka qaaday cududda taageerayaashii Burco ku soo dhaweeyey, waxa uu ku dhaqaaqay inuu si dhoollo tus ah isaga iyo guddoomiyaha wakiilladu socod lug tamashlayn ah ku mareen jidadka iyo goobaha bunka laga cabbo ee magaalada Burco, kuwaasoo dadku aad u sallaamayeen.

Sidoo kale, guddoomiye-ku-xigeenka 1aad ee xisbiga KULMIYE Md. Muuse Biixi Cabdi oo ay weheliyaan xubno sarsare oo xisbiga ka tirsani, ayaa iyagana si weyn loogu soo dhaweeyey Burco, iyaga oo taageerayaashooda oo isu soo bax ay ku soo dhawaynayaan ku qabtay barxadda xafiiska xisbiga KULMIYE ee Burco.

Xubnaha waftiga KULMIYE ayaa hadalladii ay taageerayaashooda u jeediyeen liishaanka ku saaray dhaliisha xukuumadda iyo siday uga gaabisay wax u qabashada bulshada, isla markaana ku guuldaraysatay beddelaadda lacagta giimbaarta ah ee aafaysay dhaqaalaha gobolka.

Hadalladdii dareenka dadka soo jiitay ee ka mid ahaa khudbaddii Muse Biixi Cabdi, ayaa ahayd mid uu ku sheegay in xisbiyada tartamayaa ay yihiin labada xisbi mucaarad, balse xisbiga UDUB aanay haysan waji uu bulshada cod ku weydiisto.

Masuuliyiin ka tirsan xisbiga tallada haya ee UDUB, ayaa iyaguna Gobolka Togdheer soo gaadhay, kadib markii soo dhaweynta ballaadhan loo soo sameeyey weftiga UCID, masuuliyiintaasi oo uu hoggaaminayey guddoomiyaha Ololaha doorashooyinka UDUB Md. Cismaan Cabdillaahi Cigaal (Cismaan-hindi) oo uu wehelinayo Kayse Cali Geedi oo isagu dhawaan ku biiray xisbigaasi UDUB, kadib markii uu ka baxay xisbiga UCID.

Xubnahan ayaa socdaalkooda habeenimada ah lagu tilmaamay mid ka dhashay hinaasaha iyo saska ay ka qaadeen cududda taageerayaasha xisbiga UCID ee ka muuqday magaalada Burco, waxayna culays weyn saareen sidii ay xubno muhiim ah oo ka tirsan xisbiga UCID u hanan lahaayeen, balse ay ku guuldarraysteen.

Inkastoo masuuliyiinta UDUB goob fagaare ah aanay kala hadlin taageerayaashooda, hase yeeshee waxay guul ka dhigteen kooxo dhalinyaro iyo odayaal ah oo ay xafladd soo dhaweyn ah u sameeyeen, kuwaasoo ay ku tilmaameen inay ka soo diga rogteen xisbiyada UCID iyo KULMIYE, Mauuliyiinta UDUB ayaa hadalada ka soo yeedhayay ay ku tilmaamayeen cadhada xoogan ee ay u qabaan UCID, kuna ballanqaadayay sidii ay u dhulka u dhigi lahaayeen Xisbigaasi

Loolankan ismuujineed ee saddexda xisbi qaran mid kastaaba si dadban dhoolatuska u samaynayey, isla markaana miisaanka saarayey inta ay le’eg tahay baaxadda taageerayaashiisu, ayaa soo ifbixiyey cuddudda taageerayaasha xisbiyada mucaaridka ahi ku leeyihiin Gobolka Togdheer, gaar ahaan xisbiga UCID oo dadku aad ula yaabeen taageeradda ballaadan ee uu ka kasbaday reer Togdheer, taasina ay noqotay hadal haynta ugu badan ee todobaadyadii u dambeeyey ka jiray Burco.

Tallabadan sii kordhisay taageerayaasha mucaaridka ee gobolka ayaa la sheegay inay sabab u tahay, arrimo ay ka mid yihiin ganacsatadii xoolaha Burco oo shaqadoodii xukuumaddu u leexisay ganacsade Al-jaaburi, beddelaad la’aanta lacagta giimbaarta ah iyo xadhigga loo gaystay ganacsadihii maalgelinayey mashruuca naaxinta xoolaha ee Burco.

Arrimahaas iyo kuwo kale oo badan ayaa sababay inay sii yaraato taageeradii xukuumadda iyo xisbiga UDUB ku lahaayeen magaalada Burco.





Jamhuuriya Online

gudoomiyaha kulmiye oo canbaareeyey eriga guddiga cusbitaalka Hargeysa

Hargeysa (Somaliland.Org)- Guddoomiyaha Xisbiga Mucaaradka ah ee KULMIYE Axmed Maxamed Maxamuud (Siilaanyo), ayaa Xukuumadda Madaxweyne Rayaale ku dhaliilay wax-qabad-la’aan iyo tacaddiyo ay kula kacdo shacabka qaarkood. Isla markaana wuxuu ka hadlay kala-dirista Guddida Cusbatalka guud ee Hargeysa.

Guddoomiyaha KULMIYE wuxuu ka waramay xaaladda dalka, isla markaana wuxuu dhaliil u jeediyay Xukuumadda. “Maanta dalkeenu marxaladda uu marayo ee uu taagan yahay waynu garanaynaa iyo waqtiga aynu joogno ee aynu u adkaysanay ee dadkii xilku ka saarnaa ee waajibku ahaa inay dalka Doorasho u qabtaan ee ay ahayd inay Dimuqraadiyadda hirgeliyaan ee ay ahayd inay horumarka dalka wax ka qabtaan oo ay caddaaladda sugaan, isla markaana Dhalinyarta Badda isku guraysa ee mustaqbalkoodii lumay ay ahayd inay mustaqbal u samayso oo ay niyadda u dhisto iyo maamulkii iyo dawladdii aynu uga baahnayn inay dadka qanciso oo ay rejo u abuurto oo ay dunida ina dhaadhiciso, waa ta aynu maanta arkayno maalin walba dhalinyaro Xisbiga KULMIYE ah ayay xaafad eryanaysaa oo ay Xabsiga u taxaabaysaa. Waa ta maalin walba xabbadda la dhacaysa, waa ta ay Saxaafaddii ka baxsan wayday, waa ta ay Hagbaddii (Lacagtii) yarayd eeay Haweenku halkaa dhiganayeen ka baxsan wayday.” Ayuu yidhi Axmed-Siilaanyo oo maanta ka hadlay Munaasibad loo qabtay taageerayaal cusub oo ku biiray KULMIYE.

Axmed-Siilaanyo waxa Madaxweyne Rayaale iyo Xukuumaddiisa ku dhaliilay tallaabo uu Madaxweynuhu ku kala diray Guddida Cusbatalka guud ee Hargeysa. “Waa ta maanta Cusbatalkii Hargeysa ee aynu ogayn waqtigii Dhalinyarta Hargeysa u gurman jireen ee dadku ay dhisi jireen ee halgankii SNM uu ka bilaabmay, waynu ognahay oo waa taa oo markii Madaxtooyadii ka soo horjeedday Cusbatalku ay wax u qaban wayday, guddidii, shacabkii iyo dadkii is-xil qaamay ee dibedda wax uga doontay ee dhaqaalaha dibedda uga soo ururisay ee maamulka wanaagsan u samaysay, waa ta Dawladdii maanta ka takhalustay ee Dhaqaatiirtii caanka ahaa ee dalka iyo umadda wax u qabanayay, waa kuwaa yidhi Shaqadii waanu idinka fadhiisinay, waxna laydiinkama baahna. Kuwa aynu isku hallaynaynaa ee umaddu wax ka sugaysaa (Xukuumadda) waa kuwaa.” Ayuu yidhi Axmed.

Waxa kale oo uu Guddoomiyaha KULMIYE ka hadlay arrimo la xidhiidha Nabadgelyada iyo xasilloonida dalka. Waxaanu yidhi, “In badan waxa nala waydiiyaa oo ay Xukuumaddu isku daydaa had iyo jeer in ay ka dhaadhiciso Umadda in xasilloonida iyo degannaanshaha dalku uu ku xidhan yahay maamulka maanta talada haya. Waa ogtihiin in ay maalin walba dad badan oo Xisbiga KULMIYE ah oo gobollo badan ka tirsan ay xidheen oo ay yidhaahdeen halkan ayay wax ku qarxinayeen oo dhibaato ayay wadeen. Nabadgelyada dadka iyo ilaalintiisa Xisbiga KULMIYE iyo shacabka ayaa cid walba uga lexe-jeclo badan oo ilaalinaya. Waxaanu in badan caddaynay in xasilloonida dalka, dimuqraadiyaddiisa iyo midnimadiisa aanu u ilaalinayno sidii aanu xornimadiisa u ilaalinaynay. Waxaanu ku kalsoonahay in aanu cod iyo ikhtiyaar shacabku leeyahay aanu ku qaadayno.” Ayuu yidhi, waxaanu sheegay in Weftiga ka socda Somaliland ee ku kala sugan Jabuuti iyo Maraykanku ay kala hadlayaan masuuliyiinta ay la kulmaan arrimaha Doorashada Somaliland.

Guddoomiyaha KULMIYE waxa uu ka hadlay su’aasha ugu badan ee ay dadku waydiiyaan. “Haddii Daahir Rayaale Kaahin iyo maamulkiisu ku kalsoon yihiin inay cod wax ku helayaan oo dadku taageero u hayaan, waxay maraysaa 7 sanno iyo badh inta Doorashadii la qaban waayay, waynu ognahay oo Dunida oo dhan baa isugu keen timi. Maanta Telefoonada ugu badan ee dibedda ka yimaadda waxaanu ka haynaa dadka Doorashadii ma dhacaysaa, goorma ayayse dhacaysaa? Waa qodobka kaliya ee lays waydiinayo. Anagu inta kaliya ee aanu dadka u sheegno iyo kalsoonida aanu ku abuurnaa waxa weeye, Doorashadii way dhacaysaa oo waqtigeedii ayay dhacaysaa, Dawladdana gacanta uguma jirto. Waxaanu leenahay oo aanu uga digaynaa Dawladda in aanay wax dambe oo musuq-maasuq ah oo dhibaato ah oo luggooyo ah ula iman geeddi-socodkaa Dimuqraadiyadda iyo Doorashooyinka. Waxaynu maanta ku talo-galaynaa oo aynu sugaynaa oo dhegteenu u taagan tahay waa Guddida Doorashada oo inoo sheegta oo ku dhawaaqda maalinta ay Doorashadu dhici lahayd.” Ayuu hadalkiisa ku soo gebogebeeyay Axmed-Siilaanyo.

Somaliland.Org

dhulgariirkii xalay boorama ka dhacay

Dhul-gariir xooggan oo caawa laga dareemay magaalada Borama
March 24th, 2010 Comments Off

Borama (Somaliland.Org)- Dhul-gariir xooggan ayaa caawa laga dareemay Magaalada Borama ee Xarunta Gobolka Awdal, taas oo keentay in laga baxo dhammaan Xaafadaha magaalada.

Siday sheegayaan Wararka ka imanaya magaalada Borama ee Xarunta Awdal, Dhul-gariirkan oo caawa abbaaro 7:30 daqiiqo laga dareemay guud ahaan magaalada, ayaa sababay in dhammaan dadku ka baxaan Guryaha iyo dhismayaasha kale ee magaalada. Isla markaana keenay cabsi la soo deristay dadka magaalada ku dhaqan.

Warku wuxuu intaa ku daray in aanu Dhul-gariirkani wax khasaare ah geysan, hase ahaatee, uu ka duwanaa Dhul-gariiradii hore loogu arki jiray magaalada Borama.

Maaha markii u horraysay ee Dhul-gariir laga dareemo magaalada Borama ee Xarunta Awdal, hase ahaatee, hore waxa u jiray Dhul-gariirro kala duwan.

Somaliland.Org

Hargeisa News Desk

riyaale vs cigaal

Wuxuu yidhi rayaale, tabtii cigaal ayaan raacayaa ,sawdiga fooqa cusbitaalka agtiisa ka dhistay, cigaal daarihii aabihii ayu dalka u iibinjirey
2. Wuxu yidhi: caddaalad ayaan ka shaqeynayaa , maxkamadaha ma ka warheysa.
3. Wuxuu yidhi: ciidamadaan hagaajinayaa, meeye darajadoodii iyo mushaharkoodii
4. 50ka million ee doolar ma xanaanooyinka unicef sameysay ayaad gelisay. Been weynaa
5. Briijkii hargeisa lacagtiisii xaggaad geyseen.
6. lacagtii miisaaniyadda lagu daray 3jeer ee giimbaarta burco lagu beddelaayay maxaad u beddeli weyday meedey se.
7. waddadii laaamida aheyd ee burco-oodweyne-hargeisa 10ka jeer aad camuudda dhigtey ma sameysey. Ma been ayey aheyd.
8. tii ceerigaavo iyo camuudii weli sawta taal, goormaad sameyneysaa, maxaad beenta u sheegeysaa , haddaanad qaban kareyn
9. -warshadii sibidhka aad dhegaxa dhigtey 3jeer, goormaad bilaabeysaa, maxaad beenta u sheegeysaa.

10. kambaniyadii faransiiska, jarmalka ee aad sheegtay ee ina maalgelinaayay meeye. Maxaad beenta u sheegeysaa
11. isbitaalkii oodweyne iyo gabiley meeye. Maxaad beenta u sheegeysaa

12. labada taliye ciidan ee aad burco u sameysay, horey ma loo arkey. saw isku dir iyo kala qaybin maaha

13. ma dadka tahriibey ee xeebaha ku halaagmey ayaad eedii saartey shacabkii madaxda kaa dhigtey ee aad hagi kari weydey . kalmad xun moyaane , kalmad wanaagsan weli ma sheegtey

14. ma nimankii kula baratamaayey ayaad nacasyo ku sheegtey. Ma minted ayuunbaad ku jirin
15. ma kaas ayaa mar labaad dooraneysaan , waa haddaad munaafiqiin tihiin, dalkiina iyo dadkiinana aydaan waxba ku faleynBurco xisbigee ayey taageersantahay

fuad cumar yare iyo toronto

object width="640" height="385">Reader Comments
Allow
Do not allow
Backlinks
Allow
Do not allow Post date and time

aas qaran oo loo sameeyay jiif caaqil maxamed daahir

Hargeisa(Golis)- Alle ah u naxariistee waxaa Maanta oo bishu tahay 17 march 2010 si heer qaran ah loogu aasay magaalada hargeysa jiif caaqil maxamed daahir cabdi(Qodax), kaddib markii oo shalay ku geriyooda magaalada djibuuti ee xarunta dalka Djibouti



Marxuum maxamed Daahir wuxuu beryahan dame u xanuunsaday cudur wadnaha halkaaas oo daaweyn loogu qaaday waxaase dhacay qadar eebe oo aan la baajin karin. jiif caaqil maxamed daahir wuxuu hormood ka ahaa 30kii sanadood ee ugu dambeeyay samaynta taariikhda cusub ee s/land isagoo halgankii ,nabadayntii iyo dib u dhiskii dalkaba qayb laxaadleh ka soo qaatay .
waxaa aaskiisa ka soo qayb galay dadwayne aad u farabadan oo kakala yimi gobolada somaliland gaar ahaan hargaysa iyo togdheer oo ay kamid ahaayeen madaxwaynaha jamhuuriyada somaliland mudane daahir riyaale kaahin ,gudoomiyaha xisbiga kulmiye mudane axmed maxamuud siilaanyo gudoomiye ku xigeenka koowaad ee golaha wakiilada cabdi casiim maxamed samaale iyo madaxsare oo kamid ah golayaasha iyo axsaabta qaranka

xaalada lamaanaha ingiriiska paul iyo rachel chandler

Xaaladda Lammaanaha Ingiriiska ah ee ku af-duuban Soomaaliya ka dib dagaal dhex maray Budhcaddii haysatay
March 14th, 2010 Comments Off

Hargeysa (Somaliland.Org)- Xildhibaan Axmed Maxamed Diiriye (Nacnac) oo ka tirsan Golaha Wakiilada Somaliland, ayaa sheegay in lammaane dhalashadoodu tahay Ingiriis oo Afduub loogu haystay dalka Soomaaliya gabadh la joogtay la la toogtay.

Xildhibaan Nacnac oo maanta u waramay qaar ka mid ah Warbaahinta, waxa uu sheegay in Lammaanahan Ingiriiska ah gabadh la joogtay la toogtay, ka dib markii uu dagaal dhex maray Malleeshiyadii Afduubka u haystay. Waxaanu intaa ku daray in xogtan uu ka helay nin lagu magacaabo Cali Geedow oo ku hadlay Afka Budhcad-Badeedda haysata lammaanahan.

Mudanuhu waxa kale oo uu sheegay in Afhayeenkani aanu wax faahfaahin ah oo intaa dheer ka bixinin xaaladda lammaanahan, hase ahaatee ay ugu war dambaysay markii ay Rasaastu ku dhacday Gabadha. Isla markaana mar uu la xidhiidhay oo isku dayay in uu Khadka Telefoonka ku helo aanay u suurtogalin, ka dib markii uu Afhayeenka Budhcad-Badeeddu ka qaban waayay Telefoonka.

Lammaanahan u dhashay Ingiriiska ayaa shantii bilood ee laga soo gudbay Afduub loogu haystay Koonfurta Soomaaliya, ka dib markii Koox Budhcad Soomaali ahi ay ka afduubeen Xeebaha Jasiiradda Seychelles. Iyaga oo dalbaday Lacag Madax-furasho ah oo ay ka diidday Dawladda Ingiriisku inay bixiso.

Somaliland.Org

Hargeisa News Desk

wararkasomaliland@gmail..com







Somaliland.Org HomeArchives Somaliland About us Contact us Calendar ^^© 2008 Somaliland.Org

hees cusub oo kulmiye ay qaadayso Ikraan caraale

wasiirka maaliyada cawil cali ducaale ayaa eedeyn kulul Dusha ugu tuuray madaxwene Riyaale

Sooyaal News

WAR DEG DEG AH KHILAAF SOO KALA DHEX GALAY WASIIRKA MAALIYADA IYO MADAXWEYNE RIYAALE .

Qilaafkaan ayaa la sheegaya in ay ka dan baysay ka dib markii uu madaxwene Riyaaleuu lunsaday lacagtii maxjarka berbera. wasiirka ayaa eedeyn kulul Dusha ugu tuuray madaxwene Riyaale kadib markii uu lunsaday madaxwene Riyaale miisaaniyadii Lacageed ee maxjarka ber bera taas oo uu sheegay wasiirka in uu jeebkiisa ku shubtay madaxwene RIyaale uusana ku soo darin miisaaniyada . Wasiirka ayaa sidoo kale ku eydeeyay madaxwenaha in ay tahay mid sharci daro ah oo aan la aqbali karin . wasiirka ayaa laga yaabaa eydeentaani in ay u keeni doonto in uu xilkiisii ku waayi doono waxaana ilo lagu kalsoonaan karo ay sheegayaan in wasiirka uu wayi doono xilkiisa goor dhow. balse su'aasha meesha taalo ayaa ah hadii wasiirka xilka laga qaado meesha miyay ku dhamaandoontaa arintaani. madaxwene Riyaale ayaa wali ka hadlin eedyntaani iyadoona la ogsoonyahay in hadii uu madaxwenaha arintaani ka hadlo ay shicibka somaliland ay ku mudaahardi doonaan . lama oga talada uu ka qaadan doono madaxwene Riyaale arintaan iyadoo ay arintaanin ay cirka usii shareerayso. yuusufcumar115@hotmail.
Date: 2010-03-01
Readed 75 Times

jidadka hargeysa oo biyo iyo qashin xidhay

Badhtamaha Hargeysa ma dhexmartay labadii casho ee u dambeeyey? Dabadeedna ma yaabtay!

Hargeysa (Jam)- Caasimadda Somaliland ee Hargeysa, ayaa dhawrkii maalmood ee la soo dhaafay la ciirciiraysay culays xad-dhaaf ah oo ka dhashay qashin iyo biyo isbiirsaday oo buux-dhaafiyey badi jidadka waaweyn ee magaalada oo halis weyn ugu jirta inay ka dillaacaan cudurrada faafa.

Roobabkii ka da’ayey caasimadda, ayaa daaha ka fayday fadeexado nadaafad-darro culus iyo qashin tiro badan oo buux-dhaafiyey xaafadaha iyo hareeraha jidadka waaweyn ee magaalada, arrimahaas oo qarka u saaran inay sababaan cudurro halis ah oo si fudud u dillaaca.

Qashinka iyo xashiiska tuulan inta badan magaalada ka sakow, waxa labadii casho ee la soo dhaafay dadweynaha lugta ah iyo gaadiidkuba khaati ka taagnaayeen biyo iyo dhiiqo isbarkan oo dul ceegaaga badi jidadka waaweyn ee caasimadda, gaar ahaan waddooyinka muhiimka ah ee dhexmara faras-magaalaha, kuwaasoo oo marka laga yimaad khataraha caafimaad ee ka dhalan kara saamayn weyn ku yeeshay isu-socodka dadka iyo gaadiidka kala duwan.

Guud ahaan jidadka ku yaal badhtamaha caasimadda waxa saddexdii maalmood ee u dambeeyey wadhnaa biyo iyo dhiiqo isku maleelmay oo ka dhashay biyaha roobabka curtay iyo ciiddii tirada badnayd ee laamiyada wadhnaa oo ka dhigay kuwo aan dadka lugta ah mari karin, sidoo kalena dadka gaadiidka wataa dhibaato badan ku haya.

Waxa kaloo roobabka labadii maalmood ee u dambeeyey ka da’ayey magaalada uu dibadda u soo saaray qashin aad u tiro badan oo wadhan hareeraha waddooyinka waaweyn iyo xaafadaha dhexdooda, iyadoo shirkadaha waddaniga ah ee qandaraaska ku haysta nadaafadda iyo fayo-dhawrka caasimaddu ku guuldarraysteen inay Hargeysa ka badbaadiyaan halista caafimaad ee ka dhalan karta saxa-xumada xilli-roobaadyada.

Goobaha sida gaarka ah indhuhu u qabanayaan ee qashinku tuulan yahay waxa ka mid ah jidka wadnaha ee u dhow dugsiga hoose/dhexe Sh. Bashiir ee magaalada Hargeysa, halkaas oo uu yaal xashiish aad u tiro badan oo si fudud u horseedi kara inay ka dhashaan cudurro halis ah, sidoo kalena fool-xumo iyo fadeexad weyn ku ah bilicda caasimadda oo ay shacabka uga wakiil yihiin 25-ka xildhibaan ee golaha degaanka, kuwaasoo dad badani ku tilmaamaan kuwo ku fashilmay hawshii loo doortay.

Sidoo kale, xashiish aad u tiro badan ayaa yaal xaafadaha Hargeysa, gaar ahaan kuwa isku raranta ah ee dadka danyarta ah deggan yihiin, waxana xilligan oo roobkii gu’gu curteen laga cabsi qabaa xaaladda nadaafad-darro ee caasimaddu dhex dabbaalaysaa ay sababaan inay ka dillaacaan xannuunada faafa oo si fudud u aafeeyn kara milyanka qof ee ku nool magaalada.

Dhinaca kale, masuuliyiinta labada shirkadood ee DHIS iyo SABO-WANAAG ee qandaraaska ku haysta nadaafadda iyo hagaajinta bilicda caasimadda oo iyaga laftoodu u muuqda qaar tuurta ku qaatay masuuliyad awoodooda waxqabad ka badan, ayaa kalfadhigii ugu dambeeyey ee Golaha Degaanka Hargeysa waxay kaga dalbadeen in loo kordhiyo kharashka dawladda hoose ku siiso fayo-dhawrka oo ay ku tilmaameen mid aan daboolayn hawshooda, balse codsigaas wax jawaab ah kama bixin goluhu.

Geesta kale, Wasaaradda Caafimaadka Somaliland, ayaan ilaa hadda wax war ah ka soo saarin halista caafimaad ee Hargeysa kulaalaysa, arrintaas oo iyana ah fadeexad iyo guuldarro ay la wadaagto dawladda hoose ee caasimadda oo ku fashilantay gudashada waajibaadkii ummaddu u igmatay.





Jamhuuriya Online
Printable version Email this to a friend

salaadiintii oo boqolaal kor u dhaafay somaliland

salaadiinta habaryoonis

1. Suldaan maxamad Suldaan Xirsi Qani
2. Suldaan Cusmaan Suldaan Cali madar
3. Suldaan Yusuf Muxumad Xiiray
4. Suldaan Rashiid Cali Ducaale
5. Suldaan Maxamad Xasan Iibraahim
6. Suldaan C/Raxmaan C/Lahi Good
7. Suldaan Cabdi Cawaale Hurre
8. Suldaan Xiis Iismaaciil Abiib
9. Suldaan Xasan Warsame Shire
10.Suldaan Maxamad Suldaan Xasan Bulbul
11.Suldaan Aadam Yusuf Nuur (suulcayn)
12.Suldaan Maxamuud Cabdi C/Laahi
13.Suldaan Cali Cumar Salax
14.Suldaan Mahad Maxamuud Caraj (caraj)
15.Suldaan C/Raxmaan Maxamad Cilmi
16.Boqor Axmad Cali Ducaale (a/dheere)
17.Boqor Maxamad Nuux
18.Suldaan Iid Maxamad SHire
19.Suldaan Siciid Cali Ducaale
20.Suldaan Nuur Farax Xuseen
21.suldaan Maxamad Jamac Ducaale (jikaar)
22.Suldaan Maxamuud Xaaji C/Laahi Xirsi
23.Suldaan Bulbul Cabdi Madoobe
24.Suldaan Saleebaan Cusmaan Xasan
25 Suldaan Maxamad Muxumad Ducaale (golos)

SALADIINTA IYO BOQORADA BEESHA CIDAGALE

1 . Suldaan Maxamad Suldaan Cabdi Qadir.
2. Suldaan Maxamad C/Lahi Xuseen (agalaal)
3. Suldaan Aadam Farax Cumar
4. Suldaan Cali C/KLaahi Ba,ane
5. Boqor Raabi Yusuf C/Laahi


Salaadiinta habarjeclo

1. Suldaan C/Lahi Suldaan Cali Muuse
2. Suldaan Maxamad Cali Maxamed (Maxamed Baqardhe)
3. Suldaan Maxamuud Guleed Mire
4. Suldaan C/Raxmaan Qasim Qodax
5. Suldaan Carab Cabdi Cali
6. Suldaan Siciid Yusuf Ducaale
7. Suldaan Maxamad Xaaji Xuseen
8. Boqor Maxamuud Cali Carab
9. Boqor Cusmaan Aw Maxamuud Yususf (buurmadaw)
10.suldaan axamed faahiye mire
11.suldaan siciid yusuf xaaji ducaale
12.suldaan madar maxamed ducaale
14. Suldaan Ismaaciil Nuur Wacays (Qude)
15.suldaan maxamed cabdi axmed {warqabe)
16.Suldaan ibraahim cige ismaaciil
17.boqor maxamed jamaca cumar

SALADIINTA IYO BOQORADA BEESHA SACAD MUUSE

1. Suldaan Xasan Suldaan C/Lahi
2. Suldaan Iismaciil Suldaan C/Raxmaan SH Muxumad
3. Suldaan Xasan Suldaan Nuur Asakar
4. Suldaan Axmad Nuur C/Lahi Samale
5. Suldaan Sulub Nuur Warsame
6. Suldaan Iismaaciil Aadam Xirsi
7. Suldaan Xuseen Iismaciil Geele
8. Suldaan Jaamac Cusmaan Aadam
9. Suldaan Xiis Barre Yusuf
10.Suldaan Xasan Maxamad Geele
11.Boqor Muxumad Geele Seed

SALADIINTA IYO BOQORADA BEESHA CIISA MUUSE

1. Suldaan Maxamuud Axmad SHire
2. Suldaan Cusmaan Suldaan Cali Koshin
3. Suldaan Maxamad Maxamuud Xandulle (indhacase)
4. Suldaan SHariif Batuun


SALADIINTA IYO BOQORADA BEESHA ARAB
1.suldaan maxamed farax(alyar xamu)
hada ama iminka
1. Suldaan Cumar Suldaan Maxamad Suldaan Farax
2. Suldaan Barre Xaaji Xasan Cabdille
3. Suldaan Iibrahim SHire
4. Suldaan Xuseen Xaji Cabdi C/laahi (mataan)
5. Suldaan C/Laahi SHeekh Axmad
6. Suldaan C/Raxmaan Suldaan cali SHagax
7. Boqor Ciise Haybe KHayre

SULDAANKA AYUUB IYO TOLJECLE

1. Suldaan Cali Xuseen Kaahin


SULDAANKA TOLJECLE


2 Suldaan Ahmed Dahir muuse

maxay ku kala duwanyihiin Udub Iyo Kulmiye: Daawo Siilaanyo

guddoomiyaha xisbiga Ucid Faysal Cali Waraabe oo wareysi ay la yeelatay Haatuf

Guddoomiyaha Xisbiga UCID Oo Xukuumada Kueedeeyay In Hantidii Qaranka Ay U Adeegsanayso Shirar Ay Ku Abaabulayso Beelaha Somaliland
“Waa La Naga Faa’iidaysanayaa Hadaanu Ummadda Usoo Ban-Dhigi Weyno Barnaamij Oo Aanu U Jihayno Yooyootan, Waxaanu Nahay Madaxdii Berito Bedelaysay Waa Inuu Noo Sheego Halkay Wax Marayaan, Anaga Oon Waxba Ogayn Barrito Kalama Wareegi Karno Xilka”

Faysal Cali Waraabe

Hargeysa February 28, 2010 (Haatuf) - Gudoomiyaha xisbiga Ucid Eng Faysal Cali Waraabe ayaa xukuumadsa madaxweyne Daahir Rayaale Kaahin ku eedeeyay in hantidii qaranka ay ku abaabulayso shirar ay beelaha Somaliland qabsanayaan, isaga oo intaa ku daray in hantida qaranka wax lagaga qabto adeegyada horumarka dalka isaga oo xukumadana uga digay inay ku bixiso dhaqaale shirarka ay qabaa’ilku qabsanayaan.

Gudoomiayaha Ucid waxa kale oo uu ugu baaqay golayaasha baarlamaanka iyo xukuumada iyo guud ahaanba shacabka Somaliland inay ka midoobaan falalka nabadgalyo darada ah ee ay cadowgu la maagan yihiin sidii ay u wiiqi lahaayeen xasilonida nabadgalyada dalka iyo qabsoomida doorashada madaxtooyada ee dalka ku soo fool leh.

Godoomiyaha Ucid waxa kale oo uu shacbiga u soo jeediyay in loo duceeyo Madaxweyne ku xigeenka Somaliland Axmed Yuusuf Yaasiin in alle ka kiciyo xanuunka uu u jiifo cusbitaalka Faransiiska.

Guddoomiyaha UCID waxa uu sidaasi ku sheegay waraysi aanu xalay khadka telefoonka kula xidhiidhnay oo uu sidoo kale ku taageeray shirweynaha madaxdhaqameedyada beelaha habar yoonis uga socda magaalada Maydh ee gobolka Sanaag waxaana uu u dhacay waraysigaasi iyo jawaabihii uu ka bixiyeyna sidan:-

S: Waxa jira wakhtigan xaadirka ah oo marxalad doorashadii madaxtooyada lagu qaban qaabinayo ay kooxaha xagjirka ah ee cadowga Somaliland kasoo horjeeda ay damacsan yihiin qorshayaal nabadgalyo daro ay kaga hortagayaan doorashooyinka miyaanay ka haboonayn doorashada horteed in nabadgalyada xoog la saaro oo laga midoobo cadowga Somaliland?

J: Waxkasta waxaynu kaga adkaanaynaa inaynu inagu horta aynu midowno oo aynaan isku jeedsan oo indhaha aynu kor u qaadno, oo hay’adaha dawliga iyo baarlamaanku wada shaqeeyaan, guurtida iyo xukuumadu wada shaqeeyaan, axsaabtu wada shaqeeyaan oo dadku aanay kala jeedsan la wada shaqeeyo, oo loo midoobo cadowga taasaa ummad lagu noqdaa, hana laga daayo qabyaaladan la xoojinayo oo waliba xisbiga Udub uu wado ee dadka uu qabyaalad doorashada u rogayo halaga daayo. Qabyaalad Somalia-yadii hore ayaa ku baaba’day arrimahaana lagama dheefo waxaan burbur ahayn iyo shacbi kala taga.

S: Gudoomiye tan qabyaalada imika aad ku eedaysay UDUB xisbiyadiina mucaaridka ayaa idinkana ay idinku eedeeyaan in dadweynaha aad ku abaabulaysaan caadifad beeleed, taasi ka waran?

J: shirirka qabaa’ilka ee la qabanayo ayay Udub dhaqaale ku bixisaa, qabiilna qaran laguma dhisi karo, qarana qabiil laguma dhisi karo

S: Ma la odhan karaa waxaad hadalkaagan ula jeedaa shirka madaxdhaqameedyada beelaha Habar Yoonis uga socda Maydh ee Sanaag ?

J: Horta waxa ceeb ah oo aan fiicnayn in Joornaaladeena lagu qoro magac qabaa’il, qabiil kaliya oo deegaan ama magaalo kaliya daga ma jiraan, haddii reer-ba dan gaara yeesho oo dhinac u baxo qaran lama noqon karayo mana haboona inaynu qaran Somaliland ah iyo qabiil is daba wadno, dadka intii Ilaahay meel wada dhigay ayaa isku dan ah, dadka reer Sanaag waa isku dan dadka Sool daga waa isku dan, dadka Badhan daga waa isku dan hadana dhamaantood waa wada Somaliland, waxaana loo baahan yahay in dadku ay horumar iyo siday wax u qabsan lahaayeen ay ku fikiraan ummadna u noqon lahaayeen laakiin reer hebel waa waxa halkaa ina dhigay, dawlada naaxinaysa ee qabaa’ilka lacagta shirarka ugu qabanaysa ha ka joojiso ayaanu leenahay ha ku bixiso dhaqaalaha dalka wixii loo doortay maaha inay qabaa’ilka ku abaabusho ee waa inay horumar ku samaysaa oo waxbarasho iyo caafimaad ku samaysa, oo darajo ciidamada siisaa, oo musharaharo macalimiinta siisaa.

S: Shirka maydh uga socda beelaha Habar Yoonis sideed u aragtaa?

J: Waxaanu nidhi haday reer Maydh shirayaan ama ay wax qabanayaan oo dekadda wax ka taraya waanu soo dhawaynaynaa, cidii wanaag wadaa way fiican tahay laakiin in dadka lagu kala qaybiyo maaha, Maydhana waa la wada degaa waa halkaynu kasoo aasaasnay, waa in loo gurmado oo la hagaajijyo laakiin in dadka qabiil lagu dhex tuuro oo waliba dawladu u horseedo ma fiicna.

S: Waxaad sheegtay in loo midoobo cadowga oo la wada shaqeeyo khilaafkana la iska ilaaliyo, hadana marka la eego hadalada dhiifta leh ee isku jeedisaan madaxweyne Rayaale iyo labadiina gudoomiye xisbi mucaarid miyaan laga faa’iidaysan Karin?

J: waa la naga faa’iidaysanayaa hadaanu anagu isku jeedsano oo barnaamij u jihayn weyno dadka oo yooyootan u jihayno dhibaataanu dadka ku keenaynaa waa inaanu dadka dhibaatada iyo yooyootanka ka daynaa oo barnaamij dawladu keentaa wixii ay qabatay sideedii sanadood ee ay xilka haysay, anagu waxaanu doonayna inaanu habkan ka belelno

S: Madaxweynaha diyaar ma u tihiin inaad kulan ka yeelataan arrimahasi?

J: Madaxweyanaha wakhti kasta ayaanu kulmi karaa oo dan guud timaado, qodobadii heshiiskana way noogu jirtay in marka dan guud timaado aanu kulano xaqna waxaanu gu leenahay madaxaynaha ilayn waxaanu nahay madaxdii berito bedelaysaye inuu na tuso halkay siyaasada arrimaha dibadu marayso, halkay nabadgalyadeenu marayso ilayn berito ka maalin anagoon waxba ogayn xilka kalama wareegayno’e waa waajib distooriya oo aanu xaq ugu leenahay, madaxweynahana waxba kuma jabna inaanu kulano colna ma nihin ee waxaanu nahay rag tartamaya.

S; Loolankii siyaasadeed ee Somaliland ee dhexdiina ka aloosna waxa lagu tilmaamaa inuu gaadhay heer noloshii la isku sad-qeeyo oo qofka oo nool la yidhaahdo wuu dhintay sida beentii laga sheegay inuu madaxweyne ku xigeenkii Axmed Yuusuf Yaasiin oo safar caafimad ugu maqan dalka Faransiiska la yidhi wuu dhintay, arrimahaasi idinku hogaamiyayaashiinu mucaaridku sideed u aragtaan?

J; Adeer waanu u ducaynaynaa madaxweyne ku xigeenka inuu Ilaahay caafimad siiyo oo uu dalka ku soo nabad celiyo, qofkastaana wuu dhimanayaa oo qof noolanayaa ma jiro, qof dhintay in lagu farxaana maba aha waxaanu leenahay madaxweyne ku xigeenka waa inagu waajib inaynu u ducayno samaduna way furan tahay oo raxmadii Allana way da’aysaaye waa inaynu dhamaanteen madaxweyne ku xigeenka u ducaynaa

--------------------------------------------------------------------------------

--------------------------------------------------------------------------------

--------------------------------------------------------------------------------

Kulan dhex maray hoggaanka sare ee Xisbiga KULMIYE iyo Guddida Doorashooyinka Somaliland

Kulan dhex maray hoggaanka sare ee Xisbiga KULMIYE iyo Guddida Doorashooyinka Somaliland


Hargeysa (Somaliland.Org)- Guddida Doorashooyinka Somaliland iyo hoggaanka Xisbiga Mucaaradka ah ee KULMIYE ayaa kulan ay ku yeesheen Khamiistii Xarunta Guddida Doorashada waxay kaga wada hadleen arrimo la xidhiidha geeddi-socodka Doorashada iyo diyaar-garowgeeda.

Warsaxaafadeed uu soo saaray Xoghayaha guud ee KULMIYE Keyse Xasan Cige oo arrintan la xidhiidha, ayaa lagu sheegay in hoggaanka sare ee KULMIYE iyo Guddida Doorashadu ay ka wada hadleen gaar ahaan Kaadhadh ama Aqoonsi cusub oo la sheegay in dalka loo keenayo, si loogu galo Doorashada.

Warsaxaafadeedkaasi wuxuu u dhignaa sidan;

“Waxa maalintii khamiistii ee bishu ahayd 25 February, 2010 kulan ku yeeshay xarunta Komishanka Doorashooyinka Qaranka xubno ka tirsan Hoggaanka Xisbiga KULMIYE iyo Guddiga Doorashooyinka Qaranka.

Guddiga Doorashooyinka iyo Madaxda Xisbigu waxay ka wada hadleen halka uu marayo barnaamijka iyo hawlgalka arrimaha la xidhiidha doorashadda Madaxtooyadda. Guddiga Doorashooyinka Qaranku waxay faahfaahin ka bixiyeen xaaladda u diyaar garawga doorashada guud ahaan, waxaana ay tilmaameen inay qorshaha ugu jirto in dib u eegis lagu sameeyo kaadhadhkii diwaan-gelinta ee hore loo bixiyey, iyadoo lagu talo jiro in muwaadin kasta la siiyo kaadh cusub oo hor leh oo loogu bedelayo kii uu hore u qaatay, kadib marka uu soo saaro Server-ku Liiska kamadambaysta ah, taasoo ay Guddiga Doorashooyinku ku tilmaameen in lagu xakamaynayo Dadkii ku noqnoqday diwaangelinta.

Guddiga Doorashooyinku waxaa kale oo ay u sheegeen Madaxda Xisbiga KULMIYE inay sidoo kale ula socodsiiyeen qorshahani Madaxda kale ee labada Xisbi Qaran ee UDUB iyo UCID.

Guddiga Doorashooyinka Qaranku waxa kale oo ay tilmaameen in qorshahan ku saabsan bedelka kaadhadhka diwaangelinta ay u soo bandhigi doonaan Xisbiyada Qaranka isagoo tafatiran oo faahfaahsan.

Ugu danbayntii, Madaxda Xisbiga KULMIYE waxay garawsadeen sharaxaadda ay Guddiga Doorashooyinku ka bixiyeen qorshaha ay ugu talogaleen doorashadda.”

Somaliland.Org

Hargeisa News Desk

wararkasomaliland@gmail.com

Riyaale iyo samaroon waa kala jaad

Riyaale iyo samaroon waa kala jaad
Marka hore waxaan salaamayayaa shacabka reer Somaliland ee gartay in ay dal iyo dawlad dimuqraadi ah dhistaan. Una halgamaaya sidii ay aqoonsi u heli lahaayeen. Umaddu way ka soo baxeen waajibkoodii oo afti ayey ku muujiyeen 97%gooni isutaaga soamliland iyo datuur. Waxay doorteen madaxweynahoodii, baarlamaankoodii, iyo dawladdii hose. May eegin qolo iyo gobol. Weliba xantiibey meeshaas ka saareen markay doorteen daahir rayaale oo ka soo jeeda gobolka awdal oo la odhan jirey beelaha dhexe ayuunbaa wax doonaaya . taasuna waxay aheyd fariin loo diray ka neceb iyo ka jecelba.
Waxaaanse cidn u abaabul gudin dahir rayaale madaxweynihii la doortey oo iska xabkestey. Abuurey dawlad balaadhan oo musuqmaasaq hadheeyey. Oo yoolkoodu yahay ka shaqeyso. Hana u shaqeyn.

Roob ka da'ay Burco iyo nawaaxidiisa

Roob Aad Loogu Qabawsaday Oo Ka da’ay Burco iyo Nawaaxigeeda
Burco(Ramaas) Feb.26, 2010 - Roob lagu qabawsaday ayaa galabta Casarkii ka da'ay magaalada Burco ee xarunta gobolka Togdheer kaas oo gudaha magaalada xareeda wadhay.Roobkan oo da'aayay mudo ku dhaw saacad badhkeed oo si fiican u biyo dhigay magaalada isla markaana ka da'aayay hareeraha ayaa waxa si weyn ugu qabawsaday dadweyanaha ku dhaqan gudaha magaalada.
Roobkan oo ka mid ah raxmaadkii Guga ee la filaayay oo ku soo beegmay xili ay abaar ba'ani ka jirto gobolka Togdheer iyo nawaaxigiisa ayaa maanta duhurkii ka curtay gobolka Togdheer iyadoo ay daruurtu ay hogonaysay gobolka maalmihii u danbeeyay balse ay qaybtii u horaysay ay maanta bilaabantay.
Roobkan biyo dhigay magaalada Burco ayaa ku soo beegmay xili maanta Salaadii Jimcaha Roob doono laga akhriyay qaar ka mid ah masaajida waaweyn ee Burco oo laga sameeyay alle bari badan.
Ramaasnews Desk
Burco

riyaale iyo siilaanyo kee guuleysanaaya

Marka hore ilaahaybaa og cidda guuleysaneysa doorashada soo socota ee Somaliland. Kii ilaahay u calfay ayaanu noqonayaa. Ilaahaeyna haynooga dhigo kuu kheyrku ku jiro. Walaw ay muhiim tahay Isbeddelku. Waayo ta ugu yar waxa weeye kan maanta waa la tijaabiyey. Sideed sanadood waa la asqoobey. Mid kale shan kale ha lagu tijaabiyo
Markeynu odorosnu yaa guusha helaaya oo ilaahay ogyahay. Haddana inaku waxeynu miqyaaseynaa bal beelahu sidey u kala taageersanyihiin. Waxaan qiimeynaynaa isbarbardhig doorashadii 2003 iyo ta aynu fileynu in ay dhacdo 2010. Samaroon kulmye waxbaa uga kordhaaya-dinaca maxamed casse. sacadmuuse-kulmiye waxbaa uga kodhaaya-dhinaca jibriil abokor, habaryoonis- kulmiye waxbaa uga kordhaya-gobolka togdheer. Habarjeclo- kulmiye waxbaa uga kordhaaya dhinaca solol madaw iyo muuse abokor. Inta kaleba hadaad sideeda u deysid intaas ayuu ku guuleysanayaa iyo dhallinyarada iyo hooyooyinka oo isbeddel doonaaya. Shaqo la’aaan iyo tahriih uu maamulka udub la kowsaday.

Guddida Deegaanka iyo Khayraadka Dabiiciga ah ee Wakiillada oo Jawaab Kulul ka Bixiyey Warqad Wasiirka Xannaanada Xooluhu Qoray

Guddida Deegaanka iyo Khayraadka Dabiiciga ah ee Wakiillada oo Jawaab Kulul ka Bixiyey Warqad Wasiirka Xannaanada Xooluhu Qoray
Hargeysa (Jam)- Guddi-hoosaadka degaanka iyo khayraadka dabiiciga ah ee Golaha Wakiillada Somaliland, ayaa jawaab kulul ka bixiyey qoraal wasiirka xannaanada xoolaha Dr. Idiris Ibraahim Cabdi 16 February 2010 u gudbiyey guddoomiye-ku-xigeenka 2aad ee Wakiillada, isla markaana ah ku-simaha guddoomiyaha Md. Baashe Maxamed Faarax, kaasoo uu ku sheegay inuu la kulmi karo oo keliya guddida degaanka iyo khayraadka dabiiciga ah.

Guddoomiyaha guddida degaanka iyo khayraadka dabiiciga ah Md. Siciid Maxamed Cilmi oo 21 February 2010 qoraal jawaab-celin ah u diray wasiirka xannaanada xoolaha, ayaa ku adkeeyey in isaga oo dhawraya shurrucda dalka ay waajib ku tahay inuu hortago guddida dhaqaalaha wakiillada si wax looga weydiiyo su’aalo ku saabsan dakhliga ka soo xerooda dhoofka xoolaha nool, isagoo dhinaca kalena wasiirka ku wargeliyey in guddida degaanka iyo khayraadka dabiiciga ah laftoodu qorshaynayaan sidii ay ugu yeedhi lahaayeen wasiirka.

Qoraalka wasiirka xannaanada xooluhu u gudbiyey guddoomiye-ku-xigeenka Golaha Wakiillada oo nuqul ka mid ah Jamhuuriya helay, waxa uu isaga oo faahfaahsan u qornaa sidan; “Mudane Guddoomiye, aniga oo tixraacaya qoraalka sumadiisu tahay GW/G/19/30/2010 ee ku taariikhaysan 13/02/2010 ee aan lahaa ogaysiinta, waxaan kuu soo gudbinayaa tusmadan hoos ku qoran:

“Qoraalkaaga faqradda u horreysay waxaad ku xustay inaad ii soo gudbisay qoraallo rasmi ah oo dhan siddeed warqadood ka bilow 31/01/2010 ilaa 10/02/2010 oo macnaheedu noqonayo maalin kasta waraaq in laasoo qori jiray, taas oo u muuqata qaab ka duwan sida loo wada xidhiidho. Waxaan aaminsannahay in qoraalladaas meel kale loo qoray, qoraalkan aan jawaabtiisa kuu soo gudbinayaa waa kii kaa yimi 13/02/2010.

Wada shaqaynta Wasaaradda iyo Golaha Wakiillada ma cusba, intay hay’aduhu jireenba wenu wada shaqaynaynay, waxaase xusid mudan inaynu kuwada xidhiidhi jirnay hawlahana ku gudan jiray hab distoorka iyo xeer-hoosaadka golaha waafaqsan.

Anigoo tixgelinaya qodobadda distoorka ee aad ku xustay qoraalkaaga ee kala ah 45aad (6aad) iyo 53 (6-7aad) waxaanan kula socodsiinayaa anigoo ka duulaya qodobka distoorka 45 (3aad) ee xusaya guddi-hoosaadyada golaha ee hadda jira iyo xeer-hoosaadka goluhu ku dhaqmo.

Anigoo qaddarinaya xeer-hoosaadka golaha qodobka 18 (1aad) ee qeexaya siday u dhisan yihiin iyo intay ka kooban yihiin guddiyada goluhu iyo qodobka 20(1aad) oo xusaya in guddi kasta la xidhiidho hay’adda amma Wasaaradda ay isku shaqada yihiin.

Mudane anigoo eegaya wada shaqayntii innaga dhexeysa iyo waddadii sharciyeed oo loo marijirey, aniga oo dhowraya shuruucda inoo dejisan waxaad ila ilaalisaan dhaqan gelintooda.

Guddidii aannu wada shaqayn lahayna diyaar bay u tahay wasaaradda, guddidaas oo la yidhaahdo guddida degaanka, xoolaha beeraha iyo khayraadka dabiiciga ah.”

Haseyeeshee, qoraalkaas waxa jawaab ka bixiyey guddida deegaanka iyo khayraadka dabiiciga ah ee Wakiillada Somaliland, iyaga oo wasiirka ku wargeliyey in sharci ahaan iyo garasho ahaanba ay ku waajib tahay inuu horyimaado guddida dhaqaalaha, qoraalka guddida degaanku u dirtay wasiirka xannaanada xoolaha oo uu ku saxeexnaa guddoomiyaha guddidaas Md. Siciid Maxamed Cilmi, waxa uu isaga oo faahfaahsan u qornaa sidan:

“Mudane Wasiir, annagoo tixraacaya go’aanka guddiga degaanka iyo khayraadka dabiiciga ah ee ku taariikhaysan 21/02/2010 iyo qoraalkaagii summaddiisu ahayd MoL/M/01/564/2010, kuna taariikhaysnaa 16-ka February 2010, waxaannu halkan kugu wargelinaynaa in xeer ahaan guddi kastoo ka tirsan guddi-hoosaadyada Golaha Wakiilladu xaq u leedahay inay u yeedhato masuulyiinta qaranka iyo shakhsiyaadka kale ee ay hawl ahaan ugu baahato, sidoo kalena waajib dastuuri ah tahay in masuuliyiinta qaranku u hoggaaansamaan yeedhitaanka uga yimaadda Golaha Wakiillada.

Haddaba, Mudane Wasiir, waxa sharci ahaan iyo garasho ahaanba kugu waajib ah inaad ilaaliso milgaha iyo wanaagga wada shaqaynta labadeena gole qaran, sidaa darteedna waxaannu kuu tilmaamaynaa inay waajib kugu tahay inaad hortimaaddo guddida dhaqaalaha ee Golaha Wakiillada oo kuugu yeedhay in aad ka jawaabto su’aalo ku saabsan dakhliga ka soo xerooda dhoofka xoolaha nool.

Dhanka kale, mudane Wasiir, waxay guddida deegaanka iyo khayraadka dabiiga ahi u baahan tahay inaad mugdiga ka soorto dhawr qodob oo hawl ahaan ka mid ah hawlaha ay u xilsaaran tahay Wasaaradda Xannaanada Xoolaha, sidaa darteedna waxaanu kugu sii wargelinaynaa inaanu qorshaynayno in aanu guddi ahaan kulan kula yeelan doono horraanta bisha soo socota ee March 2010,” ayuu guddoomiyuhu ku yidhi qoraalkiisa jawaab-celinta ah.





Jamhuuriya Online

Madaxtooyada oo beenisay warar laysla dhexmaraayey oo lahaa in madaxweyne kuxigeenkii geeriyooday

Xukuumadda Somaliland oo ka warbixisay xaaladda Caafimaad ee M/weyne-xigeenka
February 25th, 2010 Comments Off

Hargeysa (Somaliland.Org)- Xukuumadda Somaliland ayaa ka warbixisay xaaladda Caafimaad ee Madaxweyne-Xigeenka Somaliland Axmed Yuusuf Yaasiin oo muddooyinkii u dambeeyay xaalad Caafimaad u jiifay Cusbatal ku yaala magaalada Paris ee dalka Faransiiska.

Wasiirka Xannaanada Xoolaha Somaliland Dr. Idiris Ibraahim Cabdi oo hadda booqasho ku jooga dalka Faransiiska, ayaa sheegay in xaaladda Md. Axmed Yuusuf Yaasiin ay hadda wanaagsan tahay, isla markaana hadda loo ogol yahay dadku inay booqdaan. Wasiirku wuxuu sidaa ku daray in la filayo in dhawaan uu ka soo baxo Cusbatalka. “Wuxuu yaala Waadh caadi ah oo caafimaadkiisu 100% waa fayow yahay, labadii maalmood ee u dambaysay waxa loo ogolaaday in ay dadku booqan karaan. Caafimaadkiisuna aad buu u wanaagsan yahay oo wuu soo baxayaa.” Ayuu yidhi Wasiirka Xannaanada Xooluhu oo u waramay Laanta Afka Soomaaliga ah ee BBC-da.

Warkan la xidhiidha xaaladda Caafimaadka ee Madaxweyne-xigeenka, ayaa waxa uu ka dambeeyay ka dib markii maanta guud ahaan magaalooyinka Somaliland lagu baahiyay in uu geeriyooday Madaxweyne-xigeenku, taas oo ay sidoo kale beeniyeen Madaxtooyada Somaliland oo Warsaxaafadeed arrintaas ka soo saaray.

Somaliland.Org

Hargeisa News Desk

wararkasomaliland@gmail.com

gudida joogtada ee golaha guurtida oo iska dhex doortay hoggaankoodii

Guddiyo ka tirsan Golaha Guurtida oo maanta doortay hoggaan cusub
February 24th, 2010 Comments Off

Hargeysa (Somaliland.Org)- Guddida joogtada ah ee Golaha Guurtida Somaliland, ayaa maanta doortay Guddoomiye iyo guddoomiye-ku-xigeen, ka dib markii ay kulan ku yeesheen Xarunta Golaha Guurtida.

Kulankan maanta ee guddidan oo ay goob-joog ka ahaayeen 24 xubnood oo ka mid ah guddidan ay dhawaan wada-jirka u magacaabeen Shirguddoonka Guurtidu, ayaa lagu doortay ciddii hoggaamin lahayd Guddida joogtada ah oo ah guddidii uu ka dhashay khilaafkii kala qaybiyay Shirguddoonka Guurtida iyo guud ahaan mudanayaasha Golahaasba.

Kulankan maanta waxa Guddoomiye loogu doortay Xil. Muxumed Aw-Axmed iyo Xil. Cabdicasiis Maxamed Gaaxnuug oo labaduba ka mid ah Mudanayaasha siyaasad ahaan taageera Xukuumadda iyo garabka Shirguddoonka ee Sheekh Axmed Nuux Furre iyo Siciid Jaamac Cali.

Guddidan maanta hoggaanka dooratay waxa kale oo ka mid ah Xildhibaan Cabdilaahi Ibraahim Xirsi (Dhugad) oo hore guddoomiye uga ahaa guddida hadda la kala diray ee uu khilaafku ka dhashay, hase ahaatee kama mid ahayn dadka u tartamayay jagadan.

Dhinaca kale, waxa iyana guddoomiye loo doortay guddida arrimaha Bulshada ee Golahaas oo guddoomiye loogu doortay Xil. Cabdiqaadir Maxamed Xasan (Indho).

Somaliland.Org

Hargeisa News Desk

wararkasomaliland@gmail.com

Dube iyo doolaal by A. Geeljire

By A. Geeljire
Dubbe iyo Doolaal duqay weeye magaalo oo dalkooda ilaasha. Waa laba aan kala daalin dariiqna aan wada qaadin. Midba duubka wanaagga dushaasuu ku sitaa iyagaaba is doortay.Waa laba aan debec yeelan oon hadal diirkaba saarin deelqaafna wuu ka dhacaa. Haddana inay is dilaan iyo dudmana loogama yaabo. Waa niman aan dan ka yeelan dadka kay ku arkaan waxay diidan yihiin ee duunkoodu la yaabo derejo uu doono ha yeeshee, kay daafacayaanna inta daaqsinta geela looga soo durki maayo. Ruuxay diiraddoodu haleesho daguugahay ka dhigaan dembina loo qabsanmaayo oo duqoodi Dhanxiirbaa digreetadaa u saxeexay ducana waabu u raacshay. Bartay doodda jilba iyo foodda ay is daraanna waa Danlaawoow mafrishkooda oo ay qadadii dabadeeda iyo duhurka ay ku kulmaan.

Dubbe:..........

’aar inaadeerow aan is raacsado ee ii kaadi. Doolaal:
Bal wad waayahay eh.
Dubbe:
Horta yaynaan dhaqankii mafrishka ka tegin ee wadaadkeenii KU-Xigeenka ahaa ee Axmed Yusuf Yaasiin ee dhakhtarka France ku galay u duceeyaa in Ilaahay caafimaad siiyo oo uu nabad qab inoogu soo noqdo. Ta labaade saddex nin saddexdaba arrin aan ka maqlay waxbaan ka odhan.
Doolaal:
Waa kuwee?
Dubbe: Suldaan Cismaan Suldaan Cali Suldaan Madar
waxaan maqlay Cawil baa kaxeeyay oo Ina Rayaale u geeyey, haddana . si ay u heshiiyaan oo uu UDUB ugu diga rogto haddana. Waxaan idhi anigu Suldaannka waan aqaan oo nin Ina Rayaale iyo Cawil oo tay kuu faleen la ogaa ku hoos noqonaya maaha. Ta kale
qudh ahaan waa u suldaan Somaliland ah, xisbi ahaanna waa u Kulmiye ee waxa ka maqani waa maxay? Ma inuu kolba sida saaxiibkay Cali Guray marka albaabka laga horjoogsado yidhaahdo "waar waa maxay inan gumeedyadan aanu u nimi." Buu doonayaa?
Doolaal:
Haye?
Dubbe:
Waa ka labaade; waxaan ka arkay bahalkan Televisionka la yidhaahdo askari Maraykan ah oo kaadhi wadada kolba dhan uga baxaya meel cidla ah oo laba magaalo dhexdood ah ku joojiyay. Kii oo darawalkii la hadlaya oo u xidhay inuu khamri cabbay gaadhina kaxeeyay ayuu gaadhi kale isa soo daba taagay. Askaragii baa gaadhigii kale u tegey, darawalkii buu weydiiyay wuxuu isu taagay isaga oo aan cidi joojin. "ishaaradan cas ayaan iska taagay." Buu ugu jawaabay intuu laydhkii gaadhiga booliska dushiisa ka bilig lagaa tilmaamay. Isaagii buu askarigii baadhay mise kii horeba ka sakhrad weyn. Isna waa xidhay.
Doolaal:
maxaad uga socotaa?
Dubbe:
Haaaaa! Waxaan uga socda inagoo jawaabtii Cali Sanyare, wasiirka Qorshaynta, ee ku saabsanayd safiirkii Masriga ahaa ee Somaliland aflagaadeeyay la yaabban ayuu Cabdillahi Ducaale, Wasiirka Khaarajigu, hadlay oo yidhi "xidhiidhkeena Masar wuu isa soo tarayaa oo Safiirka anigaa fool ka fool ula kulmay." Ninkaa gaadhiga booliska is daba taagay baan soo xusuustay.
Waxaanse idiin sheegayaa. Ha yaabina. Arrintu waxay ka socotaa waxa dalka xukuma Madaxweyne cid walba u rahman oo u habranaya. Ka Djibouti baasaboor buu ka qaatay. Ka masar dalkiisa ayuu lacagtii uu inaga qaatay ku qarsaday badhna daaro kaga dhistay. Kuwa kalena sheegi maayo hadda.
Doolaal:
Waxaasi waa waxaagii xilka lahaaye waa kuma ka saddexaad?
Dubbe:
Waxaan maqlay Monsieur, Jug-soo-Dhacay Jamac Yasiin Faarax oo ku khudabadaynaya "kuwa bulshada isku diraya ha dhegeysanina."
Waxaan idhi sawkaa is tilmaamay ee dadkii intii ku hadhay iska eryay. Hadda waa ninka madaxda ka ah xisbiga UDUB ee siyaasaddiisa doorasho ka kooban tahay saddex qodob oo keliya. 1) "ciddii Habar Yoonis ahay dagaalkii sokeeyey xusuusnaada weligiin oo ciddii Isaaqa kale ah ee kursii doonaysa haw codaynina." 2)Samaroonow haddii Kulmiye guulaysto beeraha iyo lo’da ayay idinka qaadayaan. 3) "yaa damiirkiisa iyo dadnimadiisa gadaya oo lacag raba oo noo codaynaya."
Doolaal:
Sii wada meel baan yar gaadhayaa aan qolo kula ballan sanaaye.
Dubbe:
Sii wadimaynee fadhiiso ninkii Qurba joogga ahaa baanu kuu dhammaynaynaa sheekadiisiiye. Wallaahi inaanad kacayn waanigaa dhaartaye.....
Inyar markaanu soconay buu yidhi "waar qaar aan jaad ugu ballan qaaday baan ilaabay ee kolaygan inagu du’." Waan duway. Gaadhi taagan baa daaqadiisa geedh jaad ah laga soo maguujiyay oo gabadhii iibinaysay indhaha kaga dhacay. Gabadhii oo anfariirtay baa tidhi. "Waar dee qaadka haygu tuurin Wasiir ee iga bedel uun qunyar i dhe." "waar ninka jaadka gabadha indhaha kaga dhuftay muxuu ahaa." Buu yidhi. "Waa Idris,Wasiirkii Maxjarka baan idhi." Kuye. "oo gabadha miyaad garanaysaa?" "haayoo Mujaahid naafo ah baa qaba oo ay isaga iyo carruurtiisii qaadka ku masruuftaa." Baan idhi. "oo berigii halganka Idris muxuu ahaa?" Buu yidhi. Intaanan u jawaabin ayuu gaadhi isa soo taagay oo uu ka soo degay nin gaaban oo uur buuran oo dadka wax lagama sheegee, Ilaahay haynaga dhaafee, aad moodo Nayl yar oo qasaasil cabbay. "waar kanna muxuu ahaa ."buu yidhi. "Waa wasiirkii Ciyaaraha." ayaan idhi. "adigu ma magaaladoo dhan baad na odhan kanna muxuu ahaa?" baan u raaciyay. "mayee lambarka gaadhigiisa ayaan gartay oo xalay isagoo luuq madaw taagan oo wax ka dhex qoslayaan aan dad iyo dacwooyin u kala garan waayay ayaan soo agmaray." Buu yidhi. "wallaahi xareediskaa horaan u maqlay" baan idhi. "Idris bay saaxiib yihiin." baan u raaciyay.

Doolaal:
Waar xishood oo madaxda shakhsi weerarka ka daa. Inaa’r haddaba aan kaco. Wallaahi dad baan meel kula ballamay.
Dubbe:
waa dhamaade dhegayso. Markaanu dhaqaaqnay ee aanu inyar soconay buu yidhi "waar hudheelkii igu celi aan lacag ka soo qaatee." "hayee cid dambe hay weydiin." Baan idhi. Gaadhi dumar badani ku buuqsan yihiin oo nin gaadhiga ku jira ay gadhkiisa tiigsanayaa si ay u qabtaan oo u baryaan kolna gacmaha cirka u taagaya sidii wax Ilaahay u cabanaya ayaanu ku soo baxnay. Halkiisii buu ka miisay oo "maxay ahaayeen?" buu yidhi. "kulligood wada garan maayo ee illaa tobaneeyo ayaan garanayaa." baan idhi. "Taa shalmadda cas lihi waa Muj. Cabdi hooyadii. Taa bidixda ka xigtaa ee dirica basaliga ah gashani waa Muj. ibrahim Habar yartii. Ta gaadhigu taayirka cagta ka marin gaadhay ee ku tiirsani waa Muj.Cali walaashii. Taa ilmada iska duugaysaa waa Muj. Daahir hooaydii. Ta aamusiinaysaa waa Muj. xirsi walaashii. Taa lleh "hoogay oo tacabkay khasaarayeey" waa Mujahidkan gooladda baabuurtu ka leexato seexda hooyadii. Taa askariga ilaadada ahii gambada ka tuuray ee cirrada u qaawiyay waa Muj. Cabdi hooyadii. Taa leh "Ilaahay iyo rag inoo kaca waynu leenahay ee inaga keena." Waa Muj. Xasan inaadeertii. Labadaa dib u yar joogsaday ee murugada iyo amakaaggu ka muuqdaa waa Muj.Maxamed iyo Muj. Axmed hooyooyinkood. Taa taagnaan kari weyday ee dhulka fadhiisatay waa Muj. xuseen hooyadii. Labada biyaha siinaya eek u fooraraa waa Muj. siciid iyo Muj. Bashe hooyooyinkood. Ta leh "naa laydha u baneeya." Waa Muj. Diiriye habar yartii." Baan idhi. " waxay wax tar ka doonayaan xukuumadda oo Intaas oo mujaahid oo aan kuu sheegay ama waa naafo laxaad ama naafo maskaxeed qaarna waa shihiideen." Baan u raaciyay.
"Oo ninka Gaadhiga lagu sidaa ee ay baryayaanna waa kuma?" buu yidhi. "Waa Wasiirkii Daakhilga Cabdillahi Cirro." Baan idhi. "berigii halganka muxuu ahaa?" buu yidhi. "AHN tee haddii uu Suldaan Boqor Yusuf Dhegaweyne noolyahay su’aashaadaa wuxuu kaga jawaabi lahaa "Haaye. You never eh. You never understand eh. People in the Jail eh. Beating hard eh. My testicles eh" dee xiniinyaha ayuu ragga jeelkii godka la odhan jiray kaga saari jiray.
Waar maxaynu jiidhnay? Ma ri’ baa? Ta kale maxaad la ooyaysaa waa caadiye. Waar raggu ma ooyo ee adkayso waxba maad arage. "waar bal goodhidan yar igu du’ aan biyo ka iibsadee." Buu yidhi. Markaan joogsaday buu haddana yidhi. "oo daartan dheer ee cirka ku jaran yaa leh." "Madaxweyne Dahir Rayaale Kaahin." Baan idhi. "Goodhidanna yaa leh."buu yidhi.
"Mujaahid Ismaaciil oo naafoo ah ayaa leh." Baan idhi.
Waa inoo qoraalka xiga. Haddii Eebbe idmo
A. Geeljire

harar on February 24 2010 10:25:23 ·

Qubane

Guddoomiyaha Guurtida Somaliland oo ku Baaqay in si wadajir ah loo Waajaho Khatarta Argagixisada

Guddoomiyaha Guurtida Somaliland oo ku Baaqay in si wadajir ah loo Waajaho Khatarta Argagixisada
“Doorashada ha noqoto inaga ama saddexda gole ee dawladda, axsaabta ama dadweynaha ha noqotee innaga oo dhan u wada eryeyna ayuun baynu ka bixi karnaa hawl fududna maaha”

Md. Saleeaban Maxamuud Aadan


Hargeysa (Jam)- Guddoomiyaha Golaha Guurtida Somaliland Md. Saleebaan Maxamuud Aadan, ayaa ka digay khatar uu sheegay inay ka soo socoto kooxaha argagixisada ah, isla markaana waxa uu ku baaqay in lagaga hortagi karo iyadoo si wadajir ah shacab iyo dawladba gacmaha la isku qabsado.

Md. Saleebaan Maxamuud Aadan ayaa khudbad uu shalay ka jeediyey fadhigii Golaha Guurtida oo mudanayaashu cod aqlabiyad ah ku ansixiyeen lix gudd-hoosaad oo ay soo xuleen shirguddoonku oo qayb kahaa go’aamadii lagu soo afjaray khilaafkii Golaha u dhexeeyey, ayaa ka hadlay arrimaha nabadgelyada Somaliland oo uu tilmaamay in khatarta ugu badani tahay kooxaha argagixisada ku soo badanaya dalka. Sidaa daraadeedna waxa uu ku baaqay shacab iyo dawladba in khatartaas si isku duubni ah loo waajaho, si looga guulaysto.

“Maanta hawlaha qarankan u yaala ee u baahan wax ka qabasho in aynu isku duubnaano ayey u baahan yihiin, ta ugu culusi waa nabadgelyada oo aad moodo in argagixisadii inagu soo korodhay, meelaha qaar ha u sii darnaadeen oo ay ka gaysteen dil, dhaawac iyo khalkhalinba, dad isku duuban ayuun baa wax ka qaban kara, innaga oo taagteena u hurnay dawlad ahaan marka horeba haddana nacabka aad moodo inuu inagu soo wajahan yahay, haddii aynu isku duubanahay oo wadajir u shaqayno wax baynu ka qaban karnaa, Ilaahay ha ina waafajiyo,” ayuu yidhi Guddoomiyaha Golaha Guurtida Somaliland.

Waxa kale oo Guddoomiyuhu khudbadiisaa kaga hadlay hawlaha u diyaargarowga doorashada iyo waxa kaga beegan gole ahaan, waxaannu sidoo kale dhinacyada dawladda, axsaabta iyo shacabka ugu baaqay in laga wada shaqeeyo sidii ay u qabsoomi lahayd.

Isagoo arrintaa ka hadlayeyna waxa uu yidhi; “Doorashada, dawlaha ku gaamuray habkaa aynu wax u doorano ayuu geliyaa khalkhal, innaguna waynu is taahilnaa, markaa waxaannu leenahay waar aynu u dhug yeelano. Doorashada ha noqoto inaga ama saddexda gole ee dawladda, axsaabta ama dadweynaha ha noqotee innaga oo dhan u wada eryeyna ayuun baynu ka bixi karnaa hawl fududna maaha, inaga gaar ahaan [Guurtida], cidii laacdamaysaa ha laacdanta ama ha tartantee innaga waxa waajib ina saaran in aynu wacyigelinteeda iyo dadka wax u sheegiisa in aynu u diyaargarowno, mar haddii aynu nahay xubno Baarlamaan waxa la inooga baahan yahay in muddada fasaxa aynu tango degaanadii in lagu noqdo oo loo wargeeyo, lagana war keeno, bulsho ururin ayaa inoo taala, abbaaro ayaana jiree Ilaahay ha inaga dulqaado.”

Fadhigaasi oo mudanayaasha goluhu cod aqlabiyad ah ku meel mariyeen guddi-hoosaadyada golaha oo magacyadooda laga hor akhriyey fadhigoodii shalay waxa mudanayaasha fadhiga ka qaybgalay oo tiradoodu dhammayd 56 mudane waxa cod loo waydiiyey Guddiga Joogtada ah ee cusub, waxaana oggolaaday 49 mudane, halka 5 kale ka diideen, isla markaana 1 mudane ka aamusay.

Waxa kale oo Guddoomiyuhu mudanayaasha ku wargeliyey in goluhu fasax muddo bil iyo badh ah galayo, isagoo mudanayaasha kula dardaarmay inay ku noqdaan degaanadii laga soo doortay oo u kuurgalaan xaaladaha nololeed ee ka jira.

Sidoo kale, Guddoomiye-ku-xigeenka kowaad ee Golaha Guurtida Md. Sheekh Axmed Sh. Nuux Furre oo isna fadhiga hadal ka jeediyey, ayaa sheegay in inkasta oo ay ku rafteen soo afjarida khilaafka golaha ay hadda si rasmi ah heshiis buuxa u wada gaadheen.

Magacyada xubnaha cusub ee Gudida Joogtada waxaa ay kala yihiin

Xaaji Cabdiraxmaan Cismaan Jaamc, Axmed Nuur Aw Cali Aadan, Yuusuf Cabdilaahi Cawaale, Xaaji Cabdi Xuseen Yuusuf, Farxaan Ciise Ubaxle, Cabdilaahi Ibraahim Xirsi [Dhugad], Muxumed Aw Axmed X Aadan, Suldaan Ismaaciil Suldaan Cabdiraxmaan, Axmed Jaamac Faarax, Khadar Xuseen Sahal, Caydiid Axmed Maxamed, Maxamed Ducaale Qurux, Maxamed Jaamac Abokor, Maxamuud Xareed Rooble, Yuusuf Sh Axmed Nuur, Diini Cabdilaahi Hande, Maxamed Nuur Sugaal, Cabdicasiis Maxamed Gaaxnuug, Khadar Ismaaciil Cabdi, Maxamed Hirad Shirtag, Cabdisalaan Maxamed Siciid, Axmed Xasan Saalax, Cismaan Cali Cabdi, Xasan Cumar Axmed iyo Xirsi Ciise Jaamac.








Jamhuuriya Online
Printable version Email this to a friend



--------------------------------------------------------------------------------




--------------------------------------------------------------------------------

xafladii kulmiye ee manchester iyo wacdarihii

Dhoolatuskii KULMIYE Ee Manchester Iyo Digarogashadii Dhalinyaradii UDUB Kasoo Baxday



(Somaliland.ORG, Manchester England) Waxaa magaalada Manchester ee cariga Ingiriiska lagu qabtay shirweyne aad loo soo agaasimay, waxaa shirkaas soo qaban-qaabiyey Jaaliyada degan waqooyiga Ingiriiska oo ay hormuud ka tahay Laanta KULMIYE ee Manchester.



Shirka ayaa loo soo agaasimay si aad u qurxoon, waxaana ka mid ahaa masuuliyiintii ay dadweynaha waqooyiga Ingiriiska degani ay fursada u heleen in ay la kulamaan; Guddoomiye ku-xigeenka labaad ee KULMIYE, mudane Cabdiraxmaan Cabdiqadir, Guddoomiye ku-xigeenka koowaad ee Gollaha Wakiilada Cabdicasiis Samaale, Cabdi aw-daahir, Dr Maxamed Cabdilaahi Omar, Axmed Cali Cadami, Abiib Timocade, Xildhibaan Ikraam Xaaji Daauud, Cismaan Saxardiid iyo masuuliyiin kale oo badan. Waxaa kaloo joogay goobtaas, si weyna uga qaybqaatay shirkan xildhibaano dhawra oo ka mid ah gollaha wakiilada, waxaana ka mid ah Aadan Tarabi iyo Xildhibaan Dhaahdheere oo labaduba ka tirsan xisbiga UDUB, iyo xubno kasocday Ururka UDHIS.



Inta aanan u gudbin shirka iyo sidii loo daadihinayey, waxaan jeclaa in aan xuso, in dhamaan xubnihii ka hadlay shirka ee KULMIYE, ay gudbinayeen fariin ah in la sii daayo, lamaanaha u dhashay Britain ee lagu afduubay dalka Somaliya, waxayna ka codsadeen budhcadaas haysata lamaanahaas in ay iska sii daayaan, iyaga oo sumcada Somalida illaalinaya, dhawraya xuquuqda lamaanahaas kana feejignaanaya in aanay denbi gelin. Shirka ayaa isaga oo isku duuban fariintaas gudbiyey.



Shirka iyo Furitaankii Xaflada.



Waxaa lagu soo dhaweeyey mikrifoonka guddoomiyaha Xisbiga KULMIYE ee cariga Ingiriiska, Ibraahim Xuseen Dakhare, wuxuuna halkaas ka soo jeediyey kelmado kooban oo uu ku guubaabinayo xubnaha ururka iyo guud ahaan laamaha Uk, wuxuu tilmaamay hawlaha horyaal Xisbiga KULMIYE, wuxuuna hadalkiisii ku soo koobay, in loo baahan yahay taageerada xubnaha, weliba taageerida dhaqaale ay laf-dhabar u tahay dedaalka xisbugu ku jiro ee ka midho dhalinta dimoqraadiyada. Wuxuu hadalkiisii ku soo koobay, “balankeenu waa hawl badan iyo hadal yar.”



Waxaa kaloo isna halkaas ka hadlay guddoomiyaha Laanta Manchester, Mudane Faarax Xasan Jagac, wuxuuna soo dhaweeyey isaga oo ku hadlaya magaca laanta, wufuuda xisbiga iyo dhamaan taageerayaasha xisbiga ayuu Faarax madasha ku soo dhaweeyey.



Waxaa halkaas ka hadlay Guddomiye ku xigeenka labaad ee Xisbiga Mudane Cabdiraxmaan Cabdiqaadir, wuxuu sidoo kale isagu si gaar ah ugu mahadnaqay dhamaan taageerayaasha KULMIYE oo si mug leh ayuu yidhi, isaga intii uu shilka galay isu barbar taagay, wuxuu kaloo uga mahadnaqay taageerada ay xubnaha reer UK la barbar taagan yihiin xisbiga. Isaga oo arrinkaas sii iftiiminaya wuxuu yidhi “Haddii aynu doonayno in aynu xukuumada noocaas ah ee dhaqaalaha dalka boobtay ee hanta boobka ah ee dhul boobka ah, ka guulaysano, waa in aynu xisbiga xagga dhaqaalaha ka taageerno”. Isaga oo sii sharaxaya wuxuu yidhi “ Xukuumadu waxa ay nagu ceebaysaa in aanu dadka wax waydiisano, annagu hantida ummada ma boobno, haddiise ay ceeb noqotay in aanu taageerayaasha wax weydiisano, waa cajiib, annagu hantida ummada ma boono, hadaanuse leenahay waanu waydiisanaynaa taageerayaasha oo idin waydiisanaynaa taageero”.



Waxaa kaloo isna halkaas ka hadlay Xoghayaha Arrimaha Dibada Maxamed Cabdillaahi Cumar, wuxuuna sheegay barnaamijka Xisbiga ee doorasho, wuxuu sharaxaad ka bixiyey siyaasada arrimaha dibada ee xisbiga KULMIYE hadduu xilka qabto. Wuxuu xoghayuhu ka hadlay in maanta ay xisbigoodu si mug leh uga hawlgalay siyaasada arrimaha dibada ee Somaliland, ka dib markii xukuumada Somaliland ku hungoowday, isaga oo ka hadlaya wuxuu yidhi “ Waxaan odhan karaa, maanta waxaa cad in xukuumada Somaliland ay u dhaqmayso sidii xisbi mucaarad ah, annagu aanu u dhaqmayso sidii xukuumad, marka aynu ka hadlayno arrimaha dibada.” Wuxuu kaloo ka hadlay Budhcad badeeda iyo agabka ay haystaan ciidamada badda Soamliland ee ku hawlgalaan, isaga oo barbar dhigay dayaca ciidmada badda, hantida iyo mushaharka Madaxweyahana oo ah bishii, waa sida uu hadalka u dhigaye “ Madaxweynaha Somaliland mushaharkiisu bishii waa $62000, mushaharka intaas leeg ma qaadan doono haddii la doorto Siilaanyo, umana baahna.” Ayuu yidhi Dr Maxamed Cabdillaahi Cumar.



Waxaa sidoo kale halkaas ka hadlay oo hadalo qiiro leh ka soo jeediyey, Cabdi Aw-daahir, oo si qoto dheer ugu dheeraaday waxa uu KULMIYe kaga duwan yahay Xisbiga UDUB. Isla markaana soo bandhigay in barnaamijyada kala duwan ee Xisbiga KULMIYE hirgalin doono hadii talada uu gacanta ku dhigo, oo ayugu horayso Wasaarada caafimaadka, oo uu sheegay in Xisbigoodu u sameen doono qaab tayo leh, isla markaana aanay faro galin siyaasadeed ku sameen hawl maal meedka shaqo ee dhakhaatiirta. Waxaana Dr Abdi Aw-Dahir Cambaareeyay eriskii 13 dhakhtar ee dhawaan xukumadu shaqadoodii ka eriday, iyaga oo danbi ay galeen jirin.



Ikraam Xaaji Daa’uud ayaa iyana hadal kaftan iyo baraarujin isugu jira ka jeedisay madashaa. Waxaana Ikraan ku booriday haweenka Somaliland ee qurbajooga ah, in ay ka qayb qaataan is bedelka siyaasadeed ee manta la rabo in dalkii laga sameeyo. Xisbiyadana kula xisaab tamaan waxqabadka siyaasadeed ee markaa ay u sameeyaan bulshada ay doonayaan in ay xukumaan.



Abiib timocade ayaa isaguna halkaa hadal kooban ka jeediyay. Waxaana u sheegay in geesiyaal badani halgankii SNM naftoodii ku waayeen, halgan ka maantana Somaliland la rabo lagu badbaadiyana uu yahay mid dhaqaale iyo cod lagu badbaadinayo, sidaas darted dadka qurbajooga ku taageeraan Xisbiga KULMIYE dhaqaale. Maadaama iyagu aanay codeenayn.



Cismaan Saxardiid oo dhawaan uu Xoghayaha Arrimaha Dibada ee KULMIYE u magacaabay in uu yahay Xidhiidhiyaha Qurbo-jooga KULMIYE. Ayaa isana halkaas si aad u xamaasadeesan uga hadlay, wuxuuna sheegay in muhiimada ugu ween ee uu uga soo dhoofay Mareekan tahay sidii uu uga qayb qaadan lahaa, Xisbiga uga taageeri lahaa u diyaar garowga olalaha doorashada ee Xisbiga KULMIYE ka wado dibada. Isaga oo sheegay in socdaalo kalena uu ku bixin doono wadamo kale, oo ka tirsan Europe. Si uu markaa ula kulmo jaaliayadaha Somaliland ee halkaa degan.



Axmed Xaaji Cali Cadami, ayaa isaguna dadka ugaga waramay sida loo heli karo isbedel iyo calaamadaha muuqda ee ina tusaya in dadweynuhu diyaar u yihiin is bedelkaas.



Dhamaan siyaasiyiintii halkaa ka hadlay ayaa iyagu ugu baaqay qurbajooga in hadii ay doonayaan in isbedel ka dhaco dalka, ay markaa is garabtaagaan Xisbiga KULMIYE, oo ku tageeraan dhaqaale iyo afba doorashada madaxtooyada ee dhawaan dalkii ka dhici doonta. Iyaga oo dhamaantood xusay madaxdaasi, in isbedelkasta oo aduunka ka dhacaa ay jiraan cid ka danbeesa oo u hurta naftooda ama maalkooda. Sidaas darteed isbedelka manta laga rabo in dalku ka dhacona yahay mid la doonayo in dhaqaale iyo cod lagu garab istaago, qurba jooguna maadaama aanay iyagu codeenayn ay markaa huraan maalkooda si isbedelkaasi u rumoobo.



Xisbiga KULMIYE wuxuu ku soo bandhigay shirkoodaas dhawr arrimood oo ka duwan khudbadaha ay jeedinayaan masuuliyiinta KULMIYE, waxaana ka mid ah dhalinyaro badan oo ka soo digo-rogotay UDUB oo soo gashay KULMIYE oo qurbo jog ah, kuwaas oo ka waramay sababaha ay u soo digo-rogteen, uguna soo biireen Xisbiga KULMIYE. Waxaa kaloo halkaas lagu soo bandhigay, waxqabad ay u qabteen Xisbi ahaan dadweynaha Somaliland, sida Iskuul Burco ku yaal oo uu ka Hadlay Mudane, Cabdi Yusuf iyo dhalinyaro Ingiriis ah oo kala shaqaynaysay dhismaha iskuulkaas qayb mid ah.



Shirka waxaa soo gunaanaday, guddomiye ku-xigeenka kowaad ee Wakiilada mudane, Cabdicasiis Samaale, isaga oo diinteena iyo dhaqankaba kaga waramay, dhibta ay leedahay keli-talisnimadu oo ah aafo ragaadisa waayahaya nololeed iyo horumarineed ee bulsho, wuxuuna halkaas gundhig uga dhigay, aayado iyo axaadiis ka waramaysa arrimahaas. Mudane Cabdicasiis ayaa dadweynaha madasha jogay aad uga heleen hadalkiisa oo diinta salka ku haysay.



Gebagebadii Shirka.

Shirka waxaa ay fanaaniin iyo abwaano ku soo bandhigeen heeso iyo murti sugaaneed oo aad u tayo badan oo ka turjumaysa waaqica siyaasadeed ee Somaliland, waxa ay suugaantaasi gundhigeedu ahaa mid tilmaamaysa waxa Xsibiga KULMIYE ku yahay ka dalka badbaadin kara.

Heesahaas ayaa ahaa kuwo aad loogu raaxaystay, dhegtuna ku nasatay laguna soo afjaray shirkii oo lagu soo gunaanaday.



Somaliland.ORG

(Manchester England)

doorashada kulmiye iyo udub kee helaya

Marka hore ilaahaybaa og cidda guuleysaneysa doorashada soo socota ee Somaliland. Kii ilaahay u calfay ayaanu noqonayaa. Ilaahaeyna haynooga dhigo kuu kheyrku ku jiro. Walaw ay muhiim tahay Isbeddelku. Waayo ta ugu yar waxa weeye kan maanta waa la tijaabiyey. Sideed sanadood waa la asqoobey. Mid kale shan kale ha lagu tijaabiyo
Markeynu odorosnu yaa guusha helaaya oo ilaahay ogyahay. Haddana inaku waxeynu miqyaaseynaa bal beelahu sidey u kala taageersanyihiin. Waxaan qiimeynaynaa isbarbardhig doorashadii 2003 iyo ta aynu fileynu in ay dhacdo 2010. Samaroon kulmye waxbaa uga kordhaaya-dinaca maxamed casse. sacadmuuse-kulmiye waxbaa uga kodhaaya-dhinaca jibriil abokor, habaryoonis- kulmiye waxbaa uga kordhaya-gobolka togdheer. Habarjeclo- kulmiye waxbaa uga kordhaaya dhinaca solol madaw iyo muuse abokor. Inta kaleba hadaad sideeda u deysid intaas ayuu ku guuleysanayaa iyo dhallinyarada iyo hooyooyinka oo isbeddel doonaaya. Shaqo la’aaan iyo tahriih uu maamulka udub la kowsaday.

doorashadii madaxtooyada 2003

Madaxweyne rayaale oo la filaayo in golihiisa kala bedelo

Warar u dhuun daloola madaxtooyada ayaa sheegaaya in isbedel uu ku sameyn doono madaxweynne rayaale golihiisa wasaaradda. ilaa hadda inta la xaqiijiyay cawil cali ducaale waxaa loo magacaabayaa wasiirka duulista hawada. cali maxamed warancadde waxaa laga dhigayaa wasiirka waxbarashada. Xassan gadhweyne waxaa laga dhigayaa wasiirka maaliyada. cabdilaahi maxamed ducaale waxaa la sheegay inlaga beddelaayo wasaarada arrimaha debeda ilaa hada se ma cada cida lagu bedalayaa

Wasiirka xanaanada xoolaha oo u ambabaxay france

Kii iilka dhigay u andacootooy

Wasiirka xannaanada xoolaha Mr idriis ayaa u ambabaxaaya dalka faraniiska. Mr Idriis oo imminka noqday gacanyaraha mudane daahir rayaale kaahin dhinaca danahooda dhaqaalaha gaar ahaaneed oo la leeyahay wuxuu ku bedelay wasiirka maaliyadda mudane cawil cali ducaale oo baryahanba aanay isku wanaagsaneyn . Waxaana la leeyahay waxa laga yaaba in loo beddelo wasaaradda waxbarashada. Halka xassan gadhhweyne laga yaabo in loo beddelo dhinaca wasaarada maaliyada. Faransiiska ayaa noqdey goob uu ugu talogaey in uu daahir rayaale dego mustaqbalka , amaba u noqota hoygiisa labaad kolba siday wax u dhacaan. Immminka waxaa uu ku leeyahay guryo waaweyn oo qaali ah oo xaaskiiisu deganyahay.
Mudane Idriis ayaa si toos ah u diiday golaha wakiilada ka dib markey ka dalbadeen in uu warbixin ka bixiyo Hanyti badan oo aan sharciyadda soo marin oo si xadhaafa loogu tagrifalay. Wuxuu sheegay in arrimahaasu ay yihiin sir dawladeed cidna aan loo bandhigi Karin. Shirguddoonka ayaa qoraal rasmi ah u direy madaxweyne Rayaale oo ay ka dalbanyaan in uu wasiirkiisa ku qasbo in uu horyimaado golaha sharcigana u hoggaansamo. Waxay noqotay Kii iilka dhigay u andacootooy.

Qarannews oo buunbuunisay banaanbaxii UDUB. Sawiradeedii ayaa se run sheegay''Maya UDUB''

Banaab-bax uu diyaarinaayay xisbiga UDUB oo muddo laba toddobaad la abaabulaayey ayaa dhicis ku dambeeyey .waxaana rerr Hargeye ugu Jawaabeen ''MAYA'' . Waxaa ku baxay kharaj lagu qiyasay 300.000 oo doolar. waxaa looo isticmaaley gaadiidkii qaranka , tv-gii qaranka. idaacadii qaranka, ciidamadii qaranka, iyo xooggii qaranka. waxey aheyd hinaase iyo xintan dareenkii qiirada lahaa ee reer hargeysa ku soo dhaweeyeen axmed siilaanyo.
Haddaba bannaanbaxaasu muxuu ku dambeeyae. Udub Lafteeda ayaa kaaga warameysa. waatan websiteka afka dawlada ku hadla ee qarannews oo weliba buunbuunineysa ay sawiro ka soo qaatey. weliba waa intey doorbidey :

Hargeysaa hadashay wxay tidhi :DAAWO

Bal eega cismaan cid soo dhaweyneysa ma aragtaan

Bal eega waa koox dhalinyara ah oo meel iska tuban

In haween ah oo bas la soo saaray
Laba bas oo aan cidi fuushaneyn

In ka yar 10 dhalinyara ah oo loo soo xidhay garamo

Banaab-bax uu diyaarinaayay xisbiga UDUB oo muddo laba toddobaad la abaabulaayey ayaa dhicis ku dambeeyey .waxaana rerr Hargeye ugu Jawaabeen ''MAYA'' . Waxaa ku baxay kharaj lagu qiyasay 300.000 oo doolar. waxaa looo isticmaaley gaadiidkii qaranka , tv-gii qaranka. idaacadii qaranka, ciidamadii qaranka, iyo xooggii qaranka. waxey aheyd hinaase iyo xintan dareenkii qiirada lahaa ee reer hargeysa ku soo dhaweeyeen axmed siilaanyo.
Haddaba bannaanbaxaasu muxuu ku dambeeyae. Udub Lafteeda ayaa kaaga warameysa. waatan websiteka afka dawlada ku hadla ee qarannews oo weliba buunbuunineysa ay sawiro ka soo qaatey. weliba waa intey doorbidey DAAWO: