Waxaan Maanta Majaraha u haya Dalka kuwo aan Dul-badnayn oo Xarfaan ku ah Abuurista Mashaariicda Lagu Boobo Hantida Qaranka" Dr. Cabdi Aw Daahir
Monday, 11 April 2005
Burco (Jam) Dr. Cabdi Aw Daahir, o ka tirsan guddiga fulinta ee xisbiga Mucaaradka ah ee KULMIYE, ayaa waraysi uu Jamhuuriya la yeeshay Khamiistii la soo dhaafay, waxa uu kaga hadlay xaaladda Gobolada Bari ee Somaliland, Doorashada Golaha Wakiilada ee aan weli la cayimin wakhtiga la qabanayo, siyaasadda Xisbiga UDUD, iyo xidhiidhka ka dhexeeya Madaxweynaha Somaliland Md. Daahir Rayaale Kaahin iyo Madaxweynaha Jabuuti, Md. Ismaaciil Cumar Geelle, oo uu ku tilmaamay mid aan saaxibtinimo dhaafsiisnayn.
Su'aalihii Dr. Cabdi Aw Daahir Wariyayaasha weydiiyeen iyo Jawaabihii uu ka baxiyay waxa ay u dhaceen sidan:-
S. Dr. Cabdi Aw. Daahir, khudbadii aad khamiistii ujeedisay dadweynihii isagu soo baxay barxadda xafiiska Xisbiga Kulmiye ee Burco, waxa aad ka sheegtay in reer Togdheer Casuumad u fidiyeen Garaadada iyo waxgaradka kale ee Gobolka Sool, si loo soo afjaro mushkiladda Gobolka Sool, ma kula tahay in arrintaasi suurto galayso xilligan oo doorasho loo diyaar garoobay?
J. Horta arrintaasi wakhtiga ay dhammaanayso ma bil bay noqonaysaaa ma sannad bay noqonaysaa ma laba sannadood, ma shan sannadood, dad waxa dhisaya ayaynu nahay, intii ay doonto ha innagu qaadatee, waxa weeye hala yeesho dareen, dhaqaaq iyo bilow, innaga oo aan doorashada galin.
Barnaamujyo siyaasadeed oo kala duwan kuu dadku leeyahay, markaa odhan mayno maalinba mid baanu laabaynaa midna waynu qabanaynaa markaa xaaladdu halka ay maanta marayso calaa-aqal haddii aynu nidhaahno arrinta aan ka wada tashano, oo inta aan iskugu nimaadno wax qabsano, oo caqliga ka faa'iidaysano, waxa fulintu waa go'aan qaadashada, laakiin taladu waxay taalaa meel kasta ardaa kasta. Boorama ayay taala, Laas-caanood bay taala markaa taa haddii la ururiyo waxaan qabaa in aynu ku guulaysanayso xukuumaddu.
S. Sidee ayaad u aragtaa siyaasadda Xisbiga UDUB ee aad xoghayaha guud ka ahaan jirtay, mase kuu muuqdaa wax horumar ah oo la taaban karo oo ku soo kordhay xisbigaas muddooyinkan dambe?
J. Horta Xisbiga UDUD, ma aha maanta Xisbigii aan ogaa iyo mid u dhow toona, sababta oo ah raggii miisaanka lahaa ee Aasaasaayaasha ahaa kuma jiraan, sida Madaxweynihii Geeriyooday Marxuum Cigaal. Mudane Axmed Yuusuf Ducaale (Wasiirkii Waxbarashada)_, Md. Maxamed Siciid Gees, (Wasiirkii Maaliyadda), Md. Rashiid Xaaji Cabdillaahi (Wasiirkii Ganacsiga) iyo aniga (Dr Cabdi Aw Daahir) Xoghayihii guud ee UDUB.
Iminkana waxa ku jira Ismaaciil Yare, (Wasiirka Daakhiliga), Cawil Cali Ducaale (Wasiirka Maaliyadda) iyo Maxamed Ismaaciil Bulaale (Xoghayaha Guud ee UDUB), markaa arrinta wakhtigan ka Faallon maayo, laakiin aragtidii xiligaas taalay maanta ma taalo, sawirkii markaa yaalay ma yaalo, bidhaantii markaa taalayna ma taalo, waa bidhaamo kale maanta.
S. Wakhtiga aad adigu (Cabdi Aw Dahair) ahayd Xoghayaha guud ee Xisbiga UDUB, himiladiinu maxay ahayd?
J. Run ahaantii himaladayadu waxa ahayd mid aad iyo ad u dheer waxay lahayd barnaamujiyo fulineed, tusaale ahaan qaybtii hore waxa ka mid ahaa qabsoomidii doorashooyinkii Golayasha Degaanka iyo Madaxtooyada, kuwaas oo loo sii ururiyaya dhaqaale fara badan oo ah kii lagu hir geliyay.
Markaa siyasadayadu waxay ahayd mid cad oo baallaadhan, waanu dul badnayn, waanu ka lexejeclo badnayn ragaa maanta majaraha u haya xisbiga UDUB, oo ah kuwo aan dul badnayn, laakiin, xarfaan ku ah sida loo abuuro mashaariicda iyo qandaraasyada xaalad abuurka ah ee lagu boobo hantida Qaranka.
S. Wakhtiga aad wasiirkaa ka ahayd maamulkii xukuumaddii uu Madaxweynaha ka ahaa Marxuum Maxamed Xaaji Ibraahim Cigaal maxay ahayd siyaasadiina ku wajahan Jabuuti?
J. Dawladda Jabuuti waxa aanu u aragnay inay tahay Dowladda ugu muhiimsan haddii ay ictiraaf noqoto iyo haddii ay meel kale tahay, ee walaalkeen ah, oo ka mid ah ummadda Soomaaliyeed, waayo, waa Soomaalida qudha ee maanta Dowladdooda Caalamku Aqwoonsan yahay.
Dowladda Somaliland waxay aad u garaabi jirtay inay yeelato siyaasaddo furfuran oo wax nala qabato, laakiin waxa aanu ogaanay in siyaasadda Ismaaciil Cumar Geelle (Madaxweyanah Jabuuti) tahay ama danta Dowladdiisu ha ku jirto in aan Soomaaliya kala go'in waa mid iminkana cad.
Annaga Xukuumaddii Cigaal mawaaqiftayadu waxay ahayd inay Jamhuuriyadda Somaliland aqoonsi hesho, markaa waa laba mowqif oo is diiddaya. Annagu markaa siyaasadda dalka Somaliland ayaanu raacaynay iminkana way tahay laakiin siyasadda xukuumadda Madaxweyne Riyaale, waxa kaga duwan tahay waxa weeye siyaasadii dalka Somaliland iyo siyaasadii Jabuuti way kala duwan yihiin, labadii Madaxweyne (Riyaale iyo Geelle) waa saaxiib saaxibnimada iyo siyaasadduna waa laba mawqif oo kala
No comments:
Post a Comment